శ్రీ సాయిబాబా మేలు కొలుపు :

ఓం శ్రీ సాయిబాబా ! శ్రిత పారిజాతా

పరమ పావన శ్రీ సచ్చారితా

మేలు కోవయ్యా శ్రీ షిరిడి వాసా

మేలుకో ! మమ్మేలుకో ! ఏలుకోవయ్యా శ్రీ సాయిబాబా

మందార మకరంద మనోభిరమా

సమస్త కళ్యాణ గుణాభిరామా

సర్వమతసార శ్రీ సాయిబాబా

మేలుకో ! మమ్మేలుకో ! ఏలుకోవయ్యా శ్రీ షిరిడి వాసా

అయోనిజవాసా శ్రీ అవతారపురుషా

వేదాంత వేద్య శ్రీ షిర్డీ వాసా

మధురాతి మధురశ్రీ మందగమనా

తెల్లవారావచ్చే మేలుకో ! మమ్మేలుకో ! ఏలుకోవయ్యా శ్రీ బూటి వాసా

భక్తులందరు నిను కొల వచ్చినారు

సకల గణముల నిను చేర వేచినారు

మంగళద్వనులు మిన్నంటి మారు మ్రోగె

మంద హాస రూపా శ్రీ మహిని వాసా

మేలుకో ! మమ్మేలుకో ! ఏలుకోవయ్యా శ్రీ సాయిబాబా

కోడి కూసేను పక్షి రాగాలు తీసె

లేగదూడలు లేచి గంతులు వేచె

యక్ష, కిన్నర గందర్వులొచ్చినారు

మేలుకో ! మమ్మేలుకో ! ఏలుకోవయ్యా శ్రీ దత్త రూపా

తూర్పున భానుడుదయించే తేజమలరా

తొలికిరణాలు నినుచూడ ఎగిసిపడెను

కనులువిప్పుము ఒకసారి కాంతిరూపా

మేలుకో ! మమ్మేలుకో ! ఏలుకోవయ్యా శ్రీ సాయిబాబా