ఈ పువ్వును ఎంత మంది చూసారు ? ఈ పువ్వు విశిష్టత తెలుసుకుందామా ?
ఇందులో సహజ సిద్ధంగా శివ లింగము, ఆ శివ లింగానికి పడగ పడుతున్నట్లు పైన పువ్వు రేకులు ఉంటాయి. ఈ పువ్వును చూస్తే మనసులో భక్తి భావం కలగడం కూడా సహజమే. కార్తీక మాసంలో ఈ పువ్వుతో పూజలు చూస్తుంటాము. ఈ పువ్వు అన్ని చోట్లా పూయదట, అంతే కాదు అందరికీ కనిపించదు అని కూడా అంటుంటారు పెద్దలు. ఈ చెట్టు దగ్గరలో తప్పకుండా శివాలయం ఉంటుంది అని ప్రతీతి. దీనిని నాగమల్లి పువ్వు అని, శివ లింగం పువ్వు అని కూడా అంటుంటారు.
పూర్వము కాశీ యాత్రకు వెళ్ళే శివ భక్తులు అడవుల మధ్య ప్రయాణించవలసి వచ్చేది. వారికి మార్గ మధ్యంలో ఈ శివలింగం పువ్వుల చెట్లు తారసపడేవి. ఈ పువ్వులను చూడగానే వారు దగ్గరలో శివాలయం ఉంటుందని గ్రహించి, ఆ పరిసరాల్లో గాలించేవారు. వారికి జీర్ణావస్థకు ( శిథిలావస్థకు ) చేరిన పురాతన శివాలయాలు దర్శనమిచ్చేవి. ఆ శివాలయాలను ఉద్ధరించేవారు. ఇలా కాశీకి వెళ్ళే మార్గంలో ఎన్నో అద్భుతమైన, మహామహిమాన్వితమైన శివాలయాలు పునరుద్ధరింపబడ్డాయి. ఈ పువ్వును శివ గణాలలో ఒకటి అని కూడా చెబుతుంటారు. ఈ పువ్వును, దర్శించడం, స్పర్శించడం విశేష పుణ్యప్రదం.
ఓం నమః శివాయ శివాయ నమః ఓం🙏
No comments:
Post a Comment