శ్రీ సూర్య కవచం

 

 

ఓం భాస్కరాయ విద్మహే మహద్యుతి కరాయ ధీమహి తన్నో ఆదిత్యః ప్రచోదయాత్||
అస్య శ్రీ ఆదిత్య కవచ స్తోత్ర మహామన్త్రస్య అగస్త్యో భగవానృషిః అనుష్టుప్ఛందః ఆదిత్యో దేవతా శ్రీం బీజం ణీం శక్తిః సూం కీలకం మమ ఆదిత్య ప్రసాద సిద్ధ్యర్థే జపే వినియోగః |
ధ్యానం :–
జపా కుసుమ సంకాశం ద్విభుజం పద్మహస్తకమ్|
సిన్దూరాంబర మాల్యం చ రక్తగంధానులేపనమ్ |
మాణిక్యరత్నఖచిత-సర్వాభరణభూషితమ్|
సప్తాశ్వరథవాహం తు మేరుం చైవ ప్రదక్షిణమ్ ||
దేవాసురవరైర్వన్ద్యం ఘృణిభిః పరిసేవితమ్ |
ధ్యాయేత్పఠేత్సువర్ణాభం సూర్యస్య కవచం ముదా ||
కవచం ..
ఘృణిః పాతు శిరోదేశే సూర్యః పాతు లలాటకమ్ |
ఆదిత్యో లోచనే పాతు శ్రుతీ పాతు దివాకరః ||
ఘ్రాణం పాతు సదా భానుః ముఖం పాతు సదారవిః |
జిహ్వాం పాతు జగన్నేత్రః కంఠం పాతు విభావసుః ||
స్కంధౌ గ్రహపతిః పాతు భుజౌ పాతు ప్రభాకరః |
కరావబ్జకరః పాతు హృదయం పాతు నభోమణిః ||
ద్వాదశాత్మా కటిం పాతు సవితా పాతు సక్థినీ |
ఊరూ పాతు సురశ్రేష్టో జానునీ పాతు భాస్కరః ||
జంఘే మే పాతు మార్తాణ్డో గుల్ఫౌ పాతు త్విషాంపతిః |
పాదౌ దినమణిః పాతు పాతు మిత్రోఽఖిలం వపుః ||
ఆదిత్యకవచం పుణ్యమభేద్యం వజ్రసన్నిభమ్ |
సర్వరోగభయాదిభ్యో ముచ్యతే నాత్ర సంశయః ||
సంవత్సరముపాసిత్వా సామ్రాజ్యపదవీం లభేత్ |
అశేషరోగశాంత్యర్థం ధ్యాయేదాదిత్యమండలమ్ ||
ఆదిత్య మండల స్తుతిః 
అనేకరత్నసంయుక్తం స్వర్ణమాణిక్యభూషణమ్ |
కల్పవృక్షసమాకీర్ణం కదంబకుసుమప్రియమ్ ||
సిందూరవర్ణాయ సుమండలాయ సువర్ణ రత్నాభరణాయ తుభ్యమ్ |
పద్మాదినేత్రే చ సుపంకజాయ బ్రహ్మేన్ద్ర-నారాయణ-శంకరాయ ||
సంరక్త చూర్ణం ససువర్ణతోయం సకుంకుమాభం సకుశం సపుష్పమ్ 
ప్రదత్తమాదాయ చ హేమపాత్రే ప్రశస్తనాదం భగవన్ ప్రసీద ||
ఇతి ఆదిత్యకవచమ్ ||
ఓం భాస్కరాయ విద్మహే మహద్యుతి కరాయ ధీమహి తన్నో ఆదిత్యః ప్రచోదయాత్||

సర్వేజనా సుఖినో భవంతు

శుభమస్తు

వివాహ పొంతనలు , శుభ ముహూర్తాలు,జ్యోతిషం , న్యూమరాలజీ(పిల్లల పేర్లు, పెద్దల పేరులో మార్పులు, బిసినెస్ నేమ్స్), సైంటిఫిక్ వాస్తు,ప్రాణిక్ హీలింగ్, జాతక సంబంధ పరిష్కారాలకు(వివాహం, ఉద్యోగం, విదేశీ యానం,గృహం, సంబంధ భా౦దవ్యాలు,శత్రునాశనం,కోర్ట్ కేసు లు ,ఆర్దికలావాదేవీలు,etc), పూజలు,హోమాలు,వివాహ౦,దేవాలయ ప్రతిష్ట, గృహ ప్రవేశ౦ శాంతి పూజలు సర్వీసెస్ కొరకు, ఆధ్యాత్మిక వస్తువుల కొరకు సంప్రదించండి.

జ్యోతిష రత్న, జ్యోతిష రత్నాకర

ACCANKSHA YEDUR

(M.A (Astro), M.A.(Telugu) , M.A.(English), M.A( Sanskrit), MSW, LLB)

శ్రీ విధాత పీఠం

Ph: 9666602371