శివుడి ఆజ్ఞ లేనిదే చీమైనా కుట్టదు అని అంటారు.
అంటే ఈ సృష్టిలో జరిగే ఏ చర్యకైనా, ఏ కార్యానికైనా శివుని ఆజ్ఞ లేనిదే అది ముందుకు నడవదు. మనకున్న ఎనిమిది దిక్కులకు అష్టదిక్పాలకుడు శివుడు. నవగ్రహాలకు ఆయనే అధిపతి.
ఆ పరమశివుని కరుణ ఉంటే ఎలాంటి గ్రహదోషమైనా మనల్ని పట్టి పీడించదు. ఆ మహేశ్వరునికి సోమవారం అంటే చాలా ఇష్టం. సోమవారం శివుడి పూజతో అనేక శుభ ఫలితాలు కలుగుతాయి. ఉమా అంటే మహేశ్వరితో కూడిన వాడైన పరమేశ్వరుడు. సోమవారం ఉమామహేశ్వరులను పూజిస్తే అష్టైశ్వర్యాలు కలుగుతాయి. మనకున్న దారిద్ర్యము, సమస్యలు పోవాలంటే శివుడిని ఈవిధంగా పూజించాలి.
1. సోమవారం ముందుగా తలస్నానం చేయాలి. ఆ తరువాత పార్వతీపరమేశ్వరుల పటానికి గంధం రాసి బొట్టుపెట్టి దీపారాధన చెయ్యాలి. పూలు సమర్పించుకోవాలి. తుమ్మి పూలు అత్యంత శ్రేష్ఠం. బిల్వ దళాలతో శివాష్టోత్తరం పఠిస్తూ అర్చించాలి. తరువాత మృత్యుంజయ స్తోత్రం పఠిస్తూ విభూదిని సమర్పించాలి, ఆ విభూతిని మృత్యుంజయ మహామంత్రం పఠిస్తూ నుదుటిన ధరించాలి. మహాదేవుని విభూతే మహా ఐశ్వర్య ప్రదాయకం.
2. పూజానంతరం పరమశివునికి నైవేధ్యంగా నేతితో తాలింపు వేసిన దద్దోజనం సమర్పించాలి. ఇలా ప్రతి సోమవారం చేయడం వల్ల అప్పుల బాధలు, ఆర్థికపరమైన సమస్యలు తొలగిపోయి ఐశ్వర్యవంతులు అవుతారు. ముఖ్యంగా దేవునికి పూజ చేసినా, ప్రసాదం పెట్టినా ఏకాగ్రమైన మనసుతో చేయాలి. అప్పుడే ఆ భగవంతుడు స్వీకరిస్తాడు.
3. మూడు ఆకులు కలిగిన బిల్వపత్రం శివుని మూడు కనులకు చిహ్నం. అంతేకాదు త్రిశూలానికి సంకేతం కూడా. ఈ బిల్వపత్రాన్ని శివునికి సమర్పించడం వల్ల దారిద్ర్యం తొలగిపోతుంది.
4. ఏ పండైనా శివునికి ప్రసాదంగా పెట్టవచ్చు. అయితే శివునికి ప్రీతికరమైనది వెలగపండు. ఇది దీర్ఘాయిష్షును సూచిస్తుంది. ఈ పండుని స్వామికి సమర్పించడం వల్ల శుభం చేకూరుతుంది. మారేడు ఫలం కూడా అత్యంత శ్రేష్ఠం, అది సమర్పించడం శివుని విశేష అనుగ్రహ కారకం.
5. ఉమామహేశ్వరులను వేకువ జామున మరియూ ప్రదోష కాలమున పూజించడం వల్ల ఉత్తమ ఫలితాన్ని పొందవచ్చు. ప్రదోష వేళలో శివాలయంలో నేతి దీపాలు వెలిగించి, ఆలయంలో కాసేపు కూర్చుని శివ నామస్మరణ చేయాలి.
6. రోజంతా ఉపవసించి సాయంత్రం నక్షత్ర దర్శనానంతరం భుజించాలి. ఉపవాసం చేయలేని వారు పాలు, పండ్లు వంటివి తీసుకోవచ్చు.
ఇలా శివునికి భక్తి, శ్రద్ధ, విశ్వాసాలతో పూజించిన వారికి శివానుగ్రహం వలన అప్పుల బాధలు తొలగి, ఐశ్వర్యం ప్రాప్తిస్తుంది .
No comments:
Post a Comment