ఈ నెల 29 అంటే మంగళవారం నాడు శని తన సొంత రాశి అయిన మకరంలో ప్రవేశించాడు.. ఈ ఏడాది జనవరి 24న తర్వాత మే 11న.. సొంత రాశి అయిన మకరంలో శని రవాణా చెందాడు. తిరిగి 140 రోజుల తర్వాత మకర రాశిలో మంగళవారం ప్రవేశించాడు.
నవగ్రహాల్లో అత్యంత క్రూరమైన గ్రహం శని. చెడుపనులు చేసేవారిని శని వదలడని నమ్ముతారు. మంచి కార్యాలు చేసేవారికెప్పుడు శని దేవుడు అనుగ్రహం ఉంటుంది. అందకనే అన్ని గ్రహాల్లోకల్లా శని దేవుడికి న్యాయధీశుడిగా కొలుస్తారు. ప్రస్తుతం రాహువు-కేతువు తర్వాత సొంత రాశిలో సంచరించనున్న మరో గ్రహం శని. ఈ నెల 29 అంటే మంగళవారం నాడు శని తన సొంత రాశి అయిన మకరంలో ప్రవేశించనున్నాడు. ఈ ఏడాది జనవరి 24న తర్వాత మే 11న.. సొంత రాశి అయిన మకరంలో శని రవాణా చెందాడు. తిరిగి 140 రోజుల తర్వాత మకర రాశిలో ఈ రోజు ప్రవేశించాడు. ఈ నేపథ్యంలో రాశిచక్రంపై శని కదలిక ఎలాంటి ప్రభావం చూపనుందో తెలుసుకుందాం.
మేషం..
శని కదలిక మేష రాశిలోని 10వ పాదంలో రవాణా చెందనున్నాడు. ఈ నేపథ్యంలో మీ పనిప్రదేశంలో మీరు పోరాటానికి సిద్ధంగా ఉండాలని శని దేవుడు కోరుతున్నాడని అర్థం చేసుకోవాలి. కష్టపడి పనిచేసి డబ్బు ప్రయోజనం పొందుతారు. విద్యారంగంలో అభివృద్ధి ఉంటుంది. అంతేకాకుండా జీవితంలో పురోగతి సాధిస్తారు. ఎప్పటికప్పుడు డబ్బు పొందడం కొనసాగిస్తారు. ఎలాంటి కష్టాన్నైనా ఎదుర్కొనే సామర్థ్యాన్ని కలిగి ఉంటారు.
వృషభం..
ఈ రాశిలోని 9వ పాదంలో శని సంచరించనున్నాడు. ఆధ్యాత్మిక కార్యక్రమాలపై ఆసక్తి చూపిస్తారు. తండ్రి లేదా వారసత్వ ఆస్తి నుంచి ప్రయోజనం పొందుతారు. అదృష్టం ఈ రోజు మీకు బాగా కలిసి వస్తుంది. ఇదే సమయంలో తీవ్రంగా కష్టపడాల్సి ఉంటుంది. అయితే డబ్బు సరైన సమయానికి అందదు. బంధువులతో మనస్పర్థలు వస్తాయి. ప్రత్యర్థులు మీపై ఓ కన్నేసి ఉంచారు. కాబట్టి జాగ్రత్తగా వ్యవహరించండి. పెద్ద అవసరాలకు రుణం పొందవచ్చు.
మిథునం..
ఈ సమయంలో మీరు కొంచెం పరధ్యానంగా ఉంటారు. అంతేకాకుండా మనస్సు ఏదో ఆలోచిస్తుంటుంది. ప్రయాణాలు చేయాల్సి రావచ్చు. పని ప్రదేశంలో కొన్ని ఇబ్బందులు ఎదురవుతాయి. చెడు విషయాలు జరుగుతాయి. వాహన యోగం ఉంటుంది. కుటుంబ సభ్యులతో కలిసి సంతోషంగా సమయాన్ని గడుపుతారు. జీవితంలో ఎదురైన సమస్యలను దిగ్విజయంగా ఎదుర్కొంటారు. వీలైనంత వరకు వివాదాలకు దూరంగా ఉండండి.కర్కాటకం..
శని.. కర్కాటక రాశిలోని 7వ పాదంలో ప్రయాణించనున్నాడు. రాగిని దగ్గర ఉంచుకోవడం మంచిది. మీ పనిలో భాగస్వాముల నుంచి ఇబ్బందులు ఎదురవుతాయి. జీవితంలో పరస్ఫర సమన్వయాన్ని కొనసాగించండి. అనవసర వివాదాల వల్ల ఇబ్బందుల్లో పడే అవకాశముంది. ఆరోగ్యం పట్ల శ్రద్ధ వహించాలి. శని స్త్రోత్రాలను పఠించడం శుభప్రదంగా ఉంటుంది.
సింహం..
శని ఈ రాశిలోని 6వ పాదంలో రవాణా చెందనున్నాడు. ఫలితంగా ఇంట్లో బంగారం కొనుగోలు చేస్తారు. అయితే అకస్మాత్తుగా ఇంట్లో ఖర్చులు పెరుగుతాయి. ఇది మీరనుకున్న బడ్జెట్ ను దాటిపోవచ్చు. రుణం చేయాల్సిన పరిస్థితి తలెత్తవచ్చు. నవంబరు నెలలో కొంత అనుకూలత ఉంటుంది. ఈ లోపు ఉద్యోగంలో పదోన్నతులు ఉంటాయి. చేపట్టే పనులు, ప్రారంభించిన వ్యవహరాల్లో సానుకూల ఫలితాలు అందుకుంటారు.కన్య..
కన్య రాశిలో శని గ్రహం 5వ పాదంలో ప్రయాణించనున్నాడు. ఫలితంగా మీకు సానుకూల ఫలితాలుంటాయి. అంతేకాకుండా అంతా శుభంగా ఉంటుంది. ఆర్థిక విషయాల్లో పురోగతి సాధిస్తారు. సంతానం నుంచి ఆనందం పొందుతారు. ప్రేమ సంబంధంలో కొన్ని విభేదాలు తలెత్తే అవకాశముంది. శని రవాణా వల్ల కుటుంబ వాతావరణం ఆహ్లాదకరంగా ఉంటుంది.
తుల..
ఈ రాశిచక్రం నుంచి శని నాలుగవ పాదంలో ప్రయాణించనున్నాడు. ఆర్థిక విషయాల్లో మీరు సంయమనంలో ఉండాలి. ఆర్థికాంశాల్లో డబ్బు నష్టం వాటిల్లుతుంది. సోదురీ సోదరీమణులు విడిపోయే అవకాశముంది. కుటుంబంలో పరస్ఫర హాని జరగవచ్చు. అనుకోకుండా కలిగే భయం మిమ్మల్ని ఆందోళనకు గురిచేస్తుంది. శనివారం నాడు ప్రజలకు పాలను దానంగా ఇవ్వడం ద్వారా అంతా మంచే జరుగుతుంది.వృశ్చికం..
ఈ రాశిచక్రం నుంచి మూడో పాదంలో శని గ్రహం ప్రవేశించనుంది. ఫలితంగా మీకు అంతా శుభప్రదంగా ఉంటుంది. వాహన కొనుగోలు కోసం చూస్తున్నట్లయితే అందులో మీరు విజయం సాధిస్తారు. ఇళ్లు, భూమిని కొనుగోలు చేసే అవకాశముంది. ఆధ్యాత్మిక కార్యక్రమాల పట్ల ఆసక్తి కనబరుస్తారు. ప్రయాణాలు చేసే అవకాశముంది. ఏదైనా కోరికలు ఉన్నట్లయితే వాటిని నెరవేరుస్తారు. సోదరుల నుంచి సహకారముంటుంది.
ధనస్సు..
ధనస్సు రాశి నుంచి రెండో స్థానంలో శని సంచరించనున్నాడు. ఫలితంగా ఎక్కువ కష్టపడాల్సి వస్తుంది. అంతేకాకుండా ఇదే సమయంలో ఆర్థిక ప్రయోజనాలు కూడా ఉన్నాయి. నవంబరు నాటికి మీ ఆరోగ్యం జాగ్రత్తగా ఉంటుంది. ప్రయాణాలు చేసేందుకు సిద్ధంగా ఉండండి. చిన్న చిన్న ప్రయాణాలు చేసే అవకాశముంది. భారీగా పెట్టుబడులు పెట్టడం మానుకుంటే మంచిది. నగదును మీ వద్ద ఉంచుకోండి. దీని అవసరం ఎప్పుడైనా ఉంటుంది.మకరం..
సొంత రాశిలో శని సంచరించనుండటం వల్ల మిశ్రమ ఫలితాలుంటాయి. మానసిక సమస్యలు పెరుగుతాయి. అయితే విదేశాలకు వెళ్లే ప్రయత్నాలు విజయవంతమవుతాయి. మీరు భూమి, భవనాల కోసం కొనుగోలు చేసే అవకాశముంది. భౌతిక సుఖం కోసం ఖర్చులు పెరుగుతాయి. ఆధ్యాత్మిక కార్యక్రమాల్లో పాల్గొంటారు. వీలైనంత వరకు వివాదాలు, తగాదలకు దూరంగా ఉండటం మంచిది.
కుంభం..
కుంభ రాశిలోని 12వ పాదంలో శని సంచరించనున్నాడు. ఈ సందర్భంగా మీ ఇంట్లో ఖర్చులు అకస్మాత్తుగా పెరుగుతాయి. ఆరోగ్యం విషయంలో నిర్లక్ష్యంగా ఉండకూడదు. ఆరోగ్య పట్ల జాగ్రత్త వహించనట్లయితే సమస్యలు పెరుగుతాయి. అంతేకాకుండా ఆందోళన ఎక్కువగా ఉంటుంది. సోమరితనంతో పాటు నిద్రలేమి ఉంటుంది.మీనం..
మీన రాశిలోని 12వ పాదంలో శని ప్రయాణించనున్నాడు. ఫలితగా ఆర్థిక లాభాలు ఉంటాయి. ఇంతకుముందు మీరు పెట్టిన పెట్టుబడులు వల్ల సానుకూల ఫలితాలు అందుకుంటారు. భవిష్యత్తు ప్రయోజనకరంగా ఉంటుంది. నూతన పనిని ప్రారంభిస్తారు. సోదరులతో మంచి సంబంధాన్ని పెట్టుకోండి. రిస్క్ తీసుకోవడం మానాలి. గాయమయ్యే అవకాశముంది. చేపట్టిన పనులు, ప్రారంభించిన వ్యవహారాల్లో అవరోధాలు వచ్చినప్పటికీ దిగ్విజయంగా అధిగమిస్తారు.
సర్వే జనాః సుఖినో భవంతు,
శుభమస్తు.
No comments:
Post a Comment