శ్రీ దత్త మాహాత్మ్యం - ప్రథమాంశః
దశమాధ్యాయః
వేదధర్మోవాచ
ఓంకారాదినమోంతానాం నామ్నామష్టోత్తరం శతమ్ /
శ్రద్ధాయా యః పఠేన్నిత్యం త్రిసంధ్యం నియతః సుధీః //
సర్వపాపవిముక్తాత్మా జాయతే విమలాంతరః /
భుక్త్వా యథేప్సితాన్భోగాన్, ప్రేత్య బ్రహ్మణి లీయతే //
ఇత్యేతత్కథితం వత్స ప్రసంగేన తవానఘ /
దేవనామ్నాం ప్రసంఖ్యానం దివ్యదృష్ట్యా విలోకితమ్ //
క్వచిత్యాగీ క్వచిద్భోగీ యోగీ సంగీ సదాऽమదః /
నగ్నః పిశాచవేషి చ తుష్టః పుష్టః కృశః క్వచిత్ //
క్వచిద్దండీ క్వచిన్ముండీ శిఖీ సూత్రీ జటీక్వచిత్ /
విద్యానున్మత్తవద్దేవో భిక్షువచ్చాటతే క్వచిత్ //
నిత్యం గంగాంభసి స్నానం బిక్షాచ కమలాలయే /
మాతులింగపురే నిద్రాస్మృతః సన్నిధికృత్సదా //
భక్తరక్షాక్షణో దేవః స్మృతః సేవా స్వమేశ్మని /
స్వభోజ్యస్యార్పణం దానం ఫలమింద్రాది దుర్లభమ్ //
య ఏతైర్నామభిర్దివ్యైః కవచం ధారయేత్కృతీ /
రాజవేశ్మని కాంతారే దుర్గాదిషు మహాభయే //
శత్రుచోరభయాకీర్ణే శ్మశానే ప్రేతదూషితే /
న భయం విద్యతే తస్య దృష్ట్వా తం విద్రువేద్భయమ్ //
శిరో లలాటం నేత్రేచ భ్రూమధ్యం చ భ్రువౌ తథా /
నాసే కర్ణౌ తథోష్ఠౌ చ హనుః కంఠః కకుత్తధా //
ధౌతాంఘ్రిహస్త ఆచమ్య స్మృత్వా దత్తం న్యసేత్సుధీః /
కరాంగన్యాసౌ విన్యస్య షడ్భిష్షడ్భిః తతఃక్రమామ్ //
జత్రుస్తనౌ చ చక్షుశ్చ హృదయం నాభిరేవచ /
మూలాధార స్ఫిచావూరూ జానుజంఘాశ్చ గుల్ఫయోః //
ప్రపదౌ పాదమూలాభ్యాం తథా పాదతలే ఉభే /
పాదాగ్రాంగుష్ఠయోశ్చైవ హస్తాగ్రాభ్యాం తథైవ చ //
స్కంధయోర్భుజమూలాభ్యాం సందిభ్యాం కరయోః పృథక్ /
అంగుల్యంగుష్ఠయోశ్చైవ హస్తాగ్రాభ్యాం తథైవ చ //
హృదయాద్ధస్తపాదాగ్ర పర్యంతవ్యాపకం న్యసేత్ /
దశేంద్రియాంతః కరణ చతుష్టయదృతంన్యసేత్ //
రోమస్వేకం చ హృదయం స్పృష్ట్వానామాని పంచ చ /
జపేద్భక్త్వా స్మరన్దేవం కృతకృత్యో భవేన్నరః //
పురశ్చరణమస్యాపి కర్తవ్యం జాపకేన వై /
సద్గురోః ప్రాప్య దీక్షాం చ దత్తమారాధయేత్సుధీః //
నియుతం ప్రతిమంత్రంచ జప్తవ్యం స్యాత్పురశ్చరే /
తద్దశాంశేన హోమశ్చ కర్తవ్యో ఘృతపాయసైః //
దశావృత్యా చ సర్వేషాం నిత్యో జప ఉదీరితః /
కవచోక్త ప్రకారేణ న్యాసః కార్యః సదాబుధైః //
పీతాంబరాలంకృత పృష్ఠభాగం
భస్మావగుంఠామలరుక్మదేహమ్ /
విద్యుత్సదాపింగజటాభిరామం శ్రీదత్తయోగీశమహంనతోऽస్మి //
ధ్యానం చేదం సమాఖ్యాతం దత్తారాధనకర్మణి /
ఏవమారాధితః క్షిప్రం సిద్ధిదో వరదో భవేత్ //
లిఖిత్వా కవచం వాపి సాయం ప్రాతః సమాహితః /
దివారాత్రికృతైః పాపైఃముచ్యతే నాత్రసంశయాః //
భక్తాయైతద్దిశేద్థీమాన్ నాభక్తాయ కదాచన /
నామ్నాం రహస్యమత్యంతం గోపనీయం ప్రయత్నతః //
ఇదానీం సంప్రవక్ష్యామి మహిమానం మహేశితుః /
శృణు వత్స మహాభాగ దత్తచిత్తో భవాధునా //
సూత ఉవాచ
ఏవముక్త్వాగురుః శిష్యం వేదధర్మా తపోనిధిః /
మాహాత్మ్యం దత్తదేవస్య శ్రావయామాస భక్తితః //
ఇతి శ్రీమద్బ్రహ్మాండపురాణే దత్తాత్రేయమాహాత్మ్యే గురుశిష్యసంవాదే కవచవివరణం నామ దశమాధ్యాయః //
ఓం శ్రీగురుదత్తాత్రేయ స్వామినే నమః
సర్వే జనాః సుఖినో భవంతు,
శుభమస్తు.
వివాహ పొంతనలు , శుభ ముహూర్తాలు,జ్యోతిషం , న్యూమరాలజీ(పిల్లల పేర్లు, పెద్దల పేరులో మార్పులు, బిసినెస్ నేమ్స్), సైంటిఫిక్ వాస్తు,ప్రాణిక్ హీలింగ్, జాతక సంబంధ పరిష్కారాలకు(వివాహం, ఉద్యోగం, విదేశీ యానం,గృహం, సంబంధ భా౦దవ్యాలు,శత్రునాశనం,కోర్ట్ కేసు లు ,ఆర్దికలావాదేవీలు,etc), పూజలు,హోమాలు,వివాహ౦,దేవాలయ ప్రతిష్ట, గృహ ప్రవేశ౦ శాంతి పూజలు సర్వీసెస్ కొరకు, ఆధ్యాత్మిక వస్తువుల కొరకు సంప్రదించండి.
follow us :
plz like , share , follow and subscribe
facebook page
YouTube
Printerest
Twitter
Instagram
Blog
జ్యోతిష రత్న, జ్యోతిష రత్నాకర
AKAANKKSHA YEDUR
(M.A (Astro), M.A.(Telugu) , M.A.(English), M.A( Sanskrit), MSW, LLB)
శ్రీ విధాత పీఠం
Ph. no: 9666602371
No comments:
Post a Comment