.jpg)
నీ జాతకం నీకు అనువుగా మార్చుకో !!
.....
ఒక పేద గృహస్థు ఉండేవాడు .
అతని వద్ద ఒక బక్కచిక్కిన ఆవు ఉండేది.
.
ఆ ఆవు చక్కగా పాలు ఇస్తూ వుండేది ,దాని పాలు కాసిని తాగి, కాసిని అమ్ముకొని ఏదోవిధంగా జీవనం సాగిస్తూ ఉండేవాడు .
,
దానికి కాస్త మేత కొని వేయాలన్నా అతని వద్ద సరిపడా డబ్బు ఉండేది కాదు.
.
తన దరిద్రం తీరే మార్గం కనపడటం లేదు అతనికి .
.
తన జాతకమెలా ఉందో తెలుసుకోవాలని ఒక జ్యోతిష్యుడి వద్దకు వెళ్లాడు.
.
ఆ జ్యోతిష్యుడు చాలా తీవ్రంగా జాతక పరిశీలన చేసి ,
...
"నాయనా నీ జీవితమంతా ఒకే ఆవు దానిమీద వచ్చే ఆదాయముతో బ్రతుకుతావు అని ఉంది" .
.
బ్రహ్మ రాసిన రాతను మార్చలేము కదా ! నీ జీవితమంతా అలా గడపాల్సిందే .
.
అతడు ఉస్సూరుమని నిట్టూరుస్తూ ఇల్లు చేరుకున్నాడు .
.
అయినా ఏ మూలో ఆశ మిణుకు మిణుకు మంటున్నది. ,
.
కొన్ని రోజులాగి ఇంకొక జ్యోతిష్యుడి వద్దకు వెళ్ళాడు .
.
ఆయనకూడా అదే చెప్పాడు .
.
అయ్యా !నా దరిద్రం తీరే మార్గంలేదా అని అడిగాడు ఈ పేదగృహస్థు.
.
ఈ రెండవ జ్యోతిష్యుడు జాతకం తో పాటు కొన్ని నివారణోపాయాలు ,పరిహారాలు సూచిస్తాడు అని పేరున్నది.
.
ఆయన వెంటనే అతన్ని నీ ఇష్టదైవానికి పూజ చేసి నీ దగ్గరున్న ఆవును రేపు సంతలో అమ్మేసేయి వచ్చిన డబ్బులతో నీకు కావలసినవి కొనుక్కో అని చెప్పాడు.
.
ఇతనిక ఏమీ ఆలోచించకుండా ఆ ఆవును సంతలో అమ్మేసి దాని మీద వచ్చిన డబ్బు పెట్టి మొట్టమొదటి సారి ఇంట్లోకి కావలసిన అన్ని వస్తువులు కొని కొంత డబ్బు జేబులో పెట్టుకొని బయలుదేరాడు
.
దారిలో ఒకచోట ఎవరో ఒక ధనికుడు గోదానాలు చేస్తున్నాడు .ఇతను వెళ్ళగా ఇతనికి కూడా ఒక ఆవు దానంగా లభించింది.
.
చాలా సంతోషంగా ఆవును,సరుకులను ,జేబులో డబ్బుతోను ఇల్లుచేరి భార్యకు ఈ సంగతి చెప్పి ఆ రాత్రికి హాయిగా పడుకొని ,తెల్లవారుతూనే ఈ సంగతి చెప్పటానికి జ్యోతిష్యుడి వద్దకు వెళ్ళాడు.
.
ఆయన అది విని మరల ఈ ఆవును కూడా అమ్మేయి అని సలహా ఇచ్చాడు.
.
అదేమిటి స్వామీ అని అనకుండా ఇదికూడా అమ్మేశాడు.మరల సొమ్ము భద్రంగా ఇంటికి తెచ్చుకున్నాడు.
.
ఈ సారి దూరపు బంధువొకరు ఇతని దరిద్రాన్ని చూసి జాలిపడి ఒక ఆవును ఇచ్చిపోదామని వచ్చాడు .
.
సరే ఆ ఆవును తీసుకున్నాడు .
..
మరల దానిని కూడా అమ్మి డబ్బులు జేబులోపెట్టుకొని వచ్చాడు.
.
అప్పుడు గానీ అతనికి అర్ధము కాలేదు తన జీవితములో ఎప్పటికీ ఒక ఆవు!, దాని మీది సంపాదన!ఇదే తన జాతకము " బ్రహ్మరాత "అని.
.
దానిని తనకు అనువుగా మలచిన జ్యోతిష్యుడి తెలివితేటలకు సంతోషించి ఆయనను ఘనంగా సన్మానించాడు.
.
అలా అతనికి జీవితమంతా ఏదోవిధంగా ఒక ఆవు మాత్రమే దొరుకుతున్నది దానిని అమ్ముకుంటూ జీవనం సాగిస్తున్నాడతను.
.
జ్యోతిష్యం చాలామందికి తెలుసు
.
కానీ !
.
ఎలా అన్వయం చేసి చెప్పాలో కొందరికే తెలుసు.
No comments:
Post a Comment