(26 - 3 జులై 2017) రాశిఫలం

మేషం : అశ్విని, భరణి, కృత్తిక 1 వ పాదం 
 ఏ అవకాశం కలిసిరాక నిరుద్యోగులు నిస్తేజానికి లోనవుతారు. శనివారం నాడు అసందర్భ సంభాషణ, ఇతరుల వ్యక్తిగత విషయాల్లో జోక్యం వల్ల చిక్కుల్లో పడే ఆస్కారం ఉంది. మీ మాటలను అవతలివారు తీవ్రంగా పరిగణిస్తారు. రాజీమార్గంతోనే మీ సమస్యలు పరిష్కారమవుతాయి. తలపెట్టిన పనులు మొండిగా పూర్తి చేస్తారు. మీ శ్రీమతి వైఖరి ఇబ్బంది కలిగిస్తుంది. రోజువారీ ఖర్చులే ఉంటాయి. మానసిక ప్రశాంతతకు ఆధ్యాత్మిక విషయాలు, నచ్చిన వ్యక్తులుతో కాలక్షేపం చేయండి. వ్యవసాయ, తోటల రంగాల వారికి ఆశాజనకం. ఒక వ్యవహారం నిమిత్తం ప్రయాణం తలపెడతారు. వాహన చోదకులకు చికాకులు అధికం. వ్యాపారాల్లో నిలదొక్కుకోవడానికి బాగా శ్రమించాలి. వృత్తుల వారికి సామాన్యం. ఉద్యోగస్తులకు ఏకాగ్రత, సమయపాలన ప్రధానం.

వృషభం : కృత్తిక 2, 3, 4 పాదాలు, రోహిణి. మృగ శిర 1, 2 పాదాలు 
మీ శ్రీ మతి ఆకస్మిక ప్రయాణం ఇబ్బంది కలిగిస్తుంది. మీ సంతానం ద్వారా శుభవార్తలు వింటారు. నూతన వ్యాపారాలు, ప్రాజక్టులకు కావలసిన వనరులు సమకూర్చుకుంటారు. లైసెన్సులు, పర్మిట్ల రెన్యువల్ విషయాల్లో నిర్లక్ష్యం తగదు. ఆది, సోమ వారాల్లో వివాదాలకు దూరంగా ఉండాలి. గృహంలో ప్రశాంతత, వ్యవహారం జయం వంటి శుభపరిణామాలున్నాయి. ఆరోగ్యం నిలకడా ఉంటుంది. ఎప్పటి పనులు అప్పుడే పూర్తి చేసుకోవటం ఉత్తమం, కోర్టు, స్థల వివాదాలు పరిష్కారమయ్యే సూచనలు ఉన్నాయి. ఉద్యోగస్తులకు సహోద్యోగుల అన్ని విధాలా సహకరిస్తారు. షేర్ల విలువలు స్వల్పంగా పెరుగుతాయి. పెద్దల ఆశీస్సులు, ప్రముఖుల ప్రశంసలు పొందుతారు. దుభారా ఖర్చులు అధికం రుణాలు, చేబదుళ్ళు తేలికగా లభిస్తాయి. 

మిధునం : మృగశిర 3, 4 పాదాలు, ఆర్థ్ర, పునర్వసు 1, 2, 3 పాదాలు 
అవతలి వారి సంభాషణ మీ గురించే అన్న అనుమానంతో సతమతమవుతారు. వ్యాపారాల్లో ఒత్తిడి, ఆటుపోట్లు అధికం, భాగస్వామిక కొత్త విషయాలు చర్చకు వస్తాయి. ఉపాత పరిచయాలు. ప్రముఖుల పలుకుబడితో ఒక సమస్యను అధిగమిస్తారు. మంగళ, బుధ వారాల్లో గత తప్పిదాలు పునరావృతమయ్యే సూచనలున్నాయి. ఉద్యోగస్తులకు ఏకాగ్రత, అధికారులతో మితసంభాషణ ప్రధానం. కొంత మంది తమ తప్పిదాలను మిమ్ములను బాధ్యలు చేసేందుకు యత్నిస్తారు. ఈ చికాకులు, ఇబ్బందులు తాత్కలికమే. మీ సమస్యలకు త్వరలోనే ఒక కొలిక్కి రాగలవు. దైవ, సేవా, పుణ్య కార్యాల్లో పాల్గొంటారు. నిరుద్యోగులు, వృత్తుల వారికి సదావకాశాలు లభిస్తాయి.  రాబోయే ఆదాయానికి తగ్గట్టుగానే ఖర్చులు సిద్ధంగా ఉంటాయి. తలపెట్టిన పనులుపై ఏ మాత్రం ఆసక్తి ఉండదు. 

కర్కాటకం : పునర్వసు 4వ పాదం, పుష్యమి. ఆశ్లేష 
ఉన్నత విద్యావకాశాలు లభిస్తాయి. మీ శ్రీ మతితో ముఖ్యమైన విషయాలు సంప్రదిస్తారు. ఆది, గురు వారాల్లో తల పెట్టిన పనుల్లో ఏకాగ్రత లోపం. మతి మరుపు ఇబ్బందులకు దారితీస్తుంది. ఉద్యోగ వ్యాపారాల్లో ఆటంకాలను ధీటుగా ఎదుర్కొంటారు. ఎటువంటి సమస్య ఎదురైనా మీ ధైర్యం చెక్కు చెదరదు. ఆపత్సమయంలో అయిన వారు అండగా నిలబడతారు. ముఖ్యమైన విషయాలు గుర్తుగా రాసుకోవడం ఉత్తమం. స్త్రీలకు ఆకస్మిక ధన లాభం, సంఘంలో మంచి గుర్తింపు పొందుతారు. వాహనం, విలువైన వస్తువులు జాగ్రత్త. సభలు, సమావేశాల్లో ప్రముఖంగా వ్యవహరిస్తారు. అధికారులకు అదునపు బాధ్యతలు. స్థాన చలనం వంటి మార్పులున్నాయి. ధన వ్యయంతో కొన్ని వ్యవహారాలు సానుకూలమవుతాయి. మీ సంతానానికి పొరుగు రాష్ట్రంలో ఉద్యోగం, 

సింహం : మఖ, పుబ్బ, ఉత్తర 1వ పాదం 
 అలవాటు లేని పనులుకు దూరంగా ఉండాలి. వ్యాపారాల అభివృద్ధికి కొత్త కొత్త పథకాలు రూపొందిస్తారు. మీ ఊహాలు, అంచనాలు ఫలిస్తాయి. ఎదుటి వారికి మీ పై ఉన్న అనుమానాలు, అపోహలు తొలగి పోగలవు. రచయితలు, కళాకారులకు ప్రోత్సాహకరం, స్త్రీలకు అయిన వారి రాక సంతోషం కలిగిస్తుంది. విద్యార్థులు ప్రేమ వ్యవహారాలు, అసాంఘిక కార్యకలాపాలకు దూరంగా ఉండాలి. ఉద్యోగస్తులు దైనందిన కార్యకలాపాలు ప్రశాంతంగా సాగుతాయి. నిరుద్యోగులకు ప్రకటన పట్ల అవగాహన ముఖ్యం. తొందరపడి ఎవరికీ సొమ్ము చెల్లించవద్దు. కుటుంబ అవసరాలకు బాగా వ్యయం చేస్తారు. కొత్త కొత్త పథకాలు, ఆలోచనలతో ముందుకు సాగుతారు. మంగళ, శని వారాల్లో అవగాహాన లేని వ్యవహారాలు.

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు 
స్త్రీలకు ఆకస్మిక ధనలాభం, వస్త్ర ప్రాప్తి వంటి శుభ ఫలితాలున్నాయి. గురు, శుక్ర వారాల్లో అనుకోని ఖర్చులు ఇబ్బందులెదుర్కొంటారు. సన్నిహితుల నుంచి ప్రతికూల సమాధానమే వస్తుంది, తాకట్టుతో రుణాలు స్వీకరిస్తారు. గృహ మార్పు కోసం యత్నాలు సాగిస్తారు. వృత్తి వ్యాపారాల్లో స్వల్ప ఆటుపోట్లు తప్పవు. ఎదిటి వారిపై అకారణంగా విసుక్కుంటారు. మనస్సును ప్రశాంతంగా ఉంచుకోవాలి. ప్లీడర్లు, ప్లీడరు గుమస్తాలకు క్లయింట్‌లతో చికాకులు అధికం. కష్ట సమయంలో మీ శ్రీమతి ఓదార్పు లభిస్తుంది. మీ సంతానం ఉద్యోగం, పై చదువుల యత్నంలో సఫలీకృతులవుతారు. వృత్తి, ఉద్యోగ బాధ్యతల్లో మెలకువ వహించండి. ప్రభుత్వ కార్యక్రమాల్లో పాల్గొంటారు. 

తుల : చిత్త 3, 4 పాదాలు స్వాతి, విశాఖ 1, 2, 3 పాదాలు 
 ఒక సంఘటన మీలో మంచి మార్పు తెస్తుంది. దంపతుల మధ్య బంధుమిత్రుల ప్రస్తావన వస్తుంది. ఆదాయానికి తగ్గట్టుగా ఖర్చులుంటాయి. శనివారం నాడు పనులు వ్యవహారాలు స్వయంగా చూసుకోవటం మంచిది. స్త్రీల ఆరోగ్యం క్రమంగా కుదుటపడుతుంది. నూతన పెట్టుబడులు, పొదుపు పథకాలు లాభిస్తాయి. ఒక స్థిరాస్తి విక్రయానికి అడ్డంకులు తొలగిపోగలవు. గత అనుభవంతో తప్పిదాలు జరగకుండా జాగ్రత్త వహిస్తారు. ప్రముఖులతో సంప్రదింపులు అనుకూలం, వృత్తులు, ఏజెంట్లు, బ్రోకర్‌కు శ్రమాధిక్యత మినహా ప్రతిఫలం ఆశించినంతగా ఉండదు. వాహన మరమ్మత్తులు చికాకుపరుస్తాయి. కోర్టు వ్యవహారాలు విచారణకు రాగలవు. మీ ఊహలు, అంచనాలు ఫలిస్తాయి. అయిన వారికి ముఖ్య సమాచారం అందిస్తారు.

వృశ్చికం : విశాఖ 4వ పాదం. అనూరాధ, జ్యేష్ట 
ప్రముఖులతో పరిచాయాలేర్పడతాయి. వ్యవహార ఒప్పందాల్లో మెలకువ వహించండి. ఏ విషయాన్ని తెగే వరకూ లాగటం మంచిది కాదు. మీ శ్రీమతి, సలహా పాటించడం ఉత్తమం. చేపట్టిన పనులు మొండిగా పూర్తి చేస్తారు. క్రయ విక్రయాలు సామాన్యం. రిటైర్డు ఉద్యోగస్తులు, బదిలీ పై వెళ్ళే అధికారులుకు సాదర వీడ్కోలు లభిస్తాయి. పత్రికా సిబ్బందికి చికాకులు తొలగి ప్రశాంతత నెలకొంటుంది. ఆత్మీయుల కోసం మీ ప్రయాణం వాయిదా వేసుకుంటారు. సభలు సమావేశాల్లో ప్రముఖంగా వ్యవహరిస్తారు. పెద్ద సంస్థల నుంచి పెట్టుబడులు ఉపసంహరించుకోవాలనే ఆలోచన స్ఫురిస్తుంది. ఆకస్మికంగా పెద్ద ఖర్చు తగిలే ఆస్కారం ఉంది. మీ అవసరాలకు ధనం ముందుగానే సర్దుబాటు చేసుకోవటం ఉత్తమం. వృత్తి ఉపాధి పథకాల్లో నిలదొక్కుకుంటారు. 

ధనస్సు : మూల, పూర్వషాడ 1వ పాదం 
 భాగస్వామిక ఒప్పందాలు, నూతన పెట్టుబడుల గురించి ఒక అవగాహనకు వస్తారు. స్త్రీలకు ఆరోగ్య విషయంలో నిర్లక్ష్యం తగదు. మీ యత్నాలకు అవకాశాలు కలసి వస్తాయి. ఆప్తుల కోసం బాగా వ్యయం చేస్తారు. స్త్రీల కోరికలు, అవసరాలు నెరవేరుతాయి. దాంపత్య సుఖం, మానసిక ప్రశాంతత పొందుతారు. పారిశ్రామికవేత్తలు, ఇసుక కాంట్రాక్టర్లకు అభ్యంతరాలెదురవుతాయి. ఫోరం తీర్పలు మీకే అనుకూలం. సభ్యత్వాలు, పదవుల నుంచి తప్పుకుంటారు. ఉద్యోగస్తులకు పెండింగ్ పనుల విషయంలో సహోద్యోగుల సహాయం లభిస్తుంది. షేర్ల విలువలు నిలకడగా ఉంటాయి. హామీలు, మధ్యవర్తిత్వాలకు దూరంగా ఉండాలి. విద్యార్థులకు కొత్త సహ విద్యార్ధులతో సాన్నిత్యం నెలకొంటుంది. వ్యాపారాల్లో లాభాలు, అనుభవం గడిస్తారు.

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు 
 దూర ప్రాంతం నుంచి మీ సంతానం రాక సంతోషం. ఆందోళన కలిగిస్తాయి. స్వయంకృషితో అనుకున్నది సాధిస్తారు. ఆర్థిక స్థితి ఆశాజనకం. ఖర్చులు అంతగా లేకున్నా మితంగా వ్యయం చేయాలి. ఒక సమాచారం తీవ్రంగా ఆలోచింపజేస్తుంది. స్త్రీలకు ఆరోగ్యం పట్ల మరింత శ్రద్ద అవసరం. ఏ విషయాన్ని తేలికగా తీసుకోవద్దు. వ్యాపారాల్లో ఆటు పోట్లు, పోటీని ధీటుగా ఎదుర్కొంటారు. పొదుపు పథకాల దిశగా మీ ఆలోచనలు ఉంటాయి. క్రయ విక్రయాలు సామాన్యం. ఉద్యోగస్తుల దైనందిన కార్యకలాపాలు ప్రశాంతంగా సాగుతాయి. వృత్తి ఉద్యోగ బాధ్యతలను సమర్థంగా నిర్వహిస్తారు. మిమ్ములను పొగిడే వ్యక్తుల పట్ల జాగ్రత్త వహించాలి. మీ పనులు, కార్యక్రమాల్లో మార్పులుంటాయి. ఆది, సోమ వారాల్లో నగదు, విలువైన వస్తువులు జాగ్రత్త.

కుంభం : ధనిష్ట 3, 4 పాదాలు, శతభిషం, పూర్వభాద్ర 1, 2, 3 పాదాలు 
 మంగళ, బుధ వారాల్లో చేపట్టిన పనుల్లో ఒత్తిడి. ఆటంకాలు ఎదుర్కొంటారు. అయిన వారితోనైనా వ్యవహారంలో మోహమ్మాటం వద్దు. ఆర్థిక లావాదేవీలు, ఒప్పందాలు, సంతకాల వ్యవహారాల్లో మెలకువ వహించండి. రాబోయే ఖర్చులకు తగినట్టుగా ఆదాయం సమకూర్చుంటారు. మనస్సు ప్రశాంతంగా ఉంటుంది. కొత్త పరిచయస్తుల సహాయ సహాకారాలు లభిస్తాయి. విద్యార్థులకు ఏకాగ్రత, సంయనం ప్రదానం. నిరుద్యోగుల ఉపాధి పథకాలకు మంచి స్పందన లభిస్తుంది. వృత్తుల వారికి ప్రజాసంబంధాలు, బలపడతాయి. ప్రముఖులతో సంప్రదింపులు జరుపుతారు. వాహనం జాగ్రత్తగా నడపండి. నూతన వ్యాపారాలు, వ్యాపారాల విస్తరణ దిశగా మీ ఆలోచనలుంటాయి. సొంత వ్యాపారాలే శ్రేయస్కరం. ఆస్తి పంపకాల వ్యవహారం ఒక కొలిక్కి వస్తుంది.

మీనం : పూర్వాభాద్ర 4వ పాదం, ఉత్తరాభాద్ర, రేవతి 
గృహంలో ప్రశాంతత నెలకొంటుంది. మీ ఊహలు, అంచనాలు ఫలిస్తాయి. అన్యులకు మీ బాధ్యతలు అప్పగించడం మంచిది కాదు. గురు, శుక్ర వారాల్లో మీకందిన కరెన్సీ నోట్లను పరిశీలించుకోవడం ఉత్తమం, వ్యాపారాల్లో నష్టాలు తొలగి కొద్ది పాటి లాభాలు గడిస్తారు. వినియెగదారులతో సౌమ్యంగా మెలగాలి. మనస్సుకు నచ్చిన విషయాల్లో సర్దుకుపోయేందుకు యత్నించండి. కుటుంబ సభ్యులతో ఉల్లాసంగా గడుపుతారు. ఉద్యోగస్తులుకు బాధ్యత నుంచి విముక్తి, హోదా పెరిగే సూచనలున్నాయి. నిరుద్యోగులు ఉపాధి పథకాలు, తాత్కాలిక ఉద్యోగంలో స్థిరపడతారు. పారిశ్రామికవేత్తలు, ఇసుక కాంట్రాక్టర్లుకు అభ్యంతరాలు, జరిమానాలు తప్పవు, సభ్యత్వాలు, పదవులు స్వీకరిస్తారు. ఆర్థిక స్థితి ఫర్వాలేదనిపిస్తుంది. స్తోమతకు మించిన వ్యయాన్ని అధిగమిస్తారు.