శ్రీరామలింగేశ్వరస్తవరాజ:

విద్వత్కవిసార్వభౌమపుల్యౌమామహేశ్వరశాస్త్రివిరచితః .

శ్రీమహావాగీశ్వర్యై నమః .

శ్రీమహాగణాధిపతయే నమః .

శ్లో .

అద్వైతమర్ధదేహేన ద్వైతం పృథగవస్థితేః .

దర్శయన్పార్వతీనాథో రామలింగేశ్వరోఽవతాత్ .. 1..

క్షీరారామక్షేత్రే స్వయముదితం జగదనుగ్రహేచ్ఛయా శంభుం .

శిరసి జటామకుటధరం స్ఫాటికలింగాకృతిం భజే హృదయే .. 2..

ఇంద్రాదయోఽపి దివిజా వివిధా మునీంద్రాః

సాయం భవత్సుభగరూపదిదృక్షయేశ .

ఆయాంతి హి ప్రతిదినం విమమాలయం తే

స్వార్థేప్సవోభజనతోభవతస్త్వరాత్తాః .. 3..

తద్భక్తలోకసమనుగ్రహణాయశంభో!

యోగంవిహాయనిజలింగతనోఃకృపావాన్ .

ఉత్థాయదివ్యవపుషాసుభగేనహర్షత్

నృత్యత్యలంసహగణైఃపరితస్సమాజే .. 4..

ఆనందతాండవవపుస్తవతన్నిరీక్ష్య

తౌర్యత్రికేణబహుధానుతిభిశ్చధన్యాః .

ఆనందవాష్పకలితాస్సకలాభవంతం

సామాజికాఉపచరంతిసదామహేశ! .. 5..

నృత్యత్పదద్వయరవానుకృతార్యగీత-

వాద్యాన్వితాంగచలనైరుదితోమహాన్యః .

ఆనందఆత్మసుసమాజగతేషునాద-

తత్త్వానుసంధిగమితస్సకదామమస్యాత్? .. 6..

వ్యాఘ్రాజినేనకటిగేనగజాజినేన

బాహుద్వయోర్ధ్వచలతాగలగాహినాచ .

నృత్యత్ఫణేనచజటామకుటస్థగంగా-

నృత్యాజేకస్యతవతాండవరూపమీడే .. 7..

నృత్యానేహసితేసురూపకలనంలభ్యంసురాణామపి

శ్రీయోగేశఘటేతనాఽన్యసమయేయోగార్హలింగానుగే .

త్వయ్యస్మాత్కిలనృత్యకాలమదిశస్త్వద్రూపసందశనే

సర్వేషామపిసర్వసుందరవపుస్తత్తేశివాయాస్తునః .. 8..

యేసాయంసమయేశివంకరహృదః పశ్యంతిమర్త్యాశ్శివం

లింగాత్మానమిహామృతాశినివహారాధ్యాత్మనృత్యోధ్యతం .

మర్త్యాదృశ్యమనోహరాకృతిజుషంపశ్యేయురేనేశివం

ధన్యాఅన్యజనావితిస్మమునయఃప్రాహుమహాంతోధ్రువం .. 9..

యద్రూపంతవతాండవేషుమునిభిర్దృష్టంయథావర్ణితం

తత్తేమాదృశమానవాద్యసులభాలోకమ్మునీడయమ్ముహుః .

ఆలంబ్యాత్మనికించిదీడితుమశక్తోపిప్రవర్తేశివ!

శ్రేయఃకేననకాంక్ష్యతేసకలసచ్ఛ్రేయఃప్రదేకింస్తవే .. 10..

మృఢోఽహంవిషయావలీఢహృదయఃకామాద్యరీణాంవశో

విద్యావాప్యవివేకగంధరహితస్సంసారసేవాపరః .

తన్నిర్వాహకృతేఽర్థకామచయనేనక్తందివంవ్యాపృతో

నానాక్లేశసహిష్ణురప్యహహ! తేసేవాన్నచైవాచరః .. 11..

ఏవంసంసరతస్సదాబహువిధక్లేశార్జకస్యాధునా

విద్యుత్స్ఫూర్తిరివాత్మనీషదమిషచ్ఛంభోస్వవిద్యాద్యుతిః .

'మృఢ! త్వంశ్రయసర్వదంపరశివంసర్వజ్ఞసర్వేశ్వరం

సంసారాంబుధితారిణంకిమపరైస్సత్వాంసముత్తారయేత్''.. 12..

ఇత్యంతస్స్ఫురణేనకేనచిదహోసర్వజ్ఞసర్వేశ్వరఃక

క్వ క్వాఽహంజడధీస్తదాశ్రయణమప్యారాద్ఘటేతక్వవా .

కేనస్యాద్విధినేతిచేతసివికల్ప్యేహస్తుతౌతేయతే

బాలాలాపవదీశమామకగిరస్తేసంతుమోదావహాః .. 13..

శ్రీవాణీధరణీవిభూతివిలసత్సద్వర్ణసంఘోల్లసత్

క్షీరారామపురీకృతాధివసతిశ్శ్రీరామలింగేశ్వరః .

పార్వత్యాసహితోనిజార్ధవపుషాసూర్యాదిభిస్స్వైఃపరీ-

వారైర్దేవగణైర్ధృతేతరనిజాభిఖ్యస్స్వయన్నోఽవతాత్ .. 14..

శైవక్షేత్రవరేషుపంచసుపవిత్రారామసంజ్ఞేషుయ-

న్మూర్ధన్యంకథితంశివస్స్వయమవాతారీజ్జటాజూటధృత్ .

లింగాకారతయాసితేనవపుషాస్వీయేనసాక్షాజ్జగ-

ద్రక్షాయైనిజపార్వతీదయితయాగోదాఽఽఖ్యగంగాంతికే .. 15..

పార్శ్వేయస్యచదక్షిణేగణపతిస్స్వీయాలయేసంస్థితో

గోకర్ణేశ్వరఆత్మనోఽమలతనుస్తదక్షిణేఽవాతరత్ .

స్కందస్తూత్తరభాగగోఽస్తితనయోయస్యాలయేస్వేతతో

లక్ష్మీశ్చాపిజనార్దనోనివసతోయస్యాలయేసుందరౌ .. 16..

సాలగ్రామశిలామయోనివసతిశ్రీనందికేశోదిశి

ప్రాచ్యాంద్వారయుగంత్వవన్నభిముఖంస్వసేవమానస్సదా .

యస్యాజ్ఞామనుపేత్యకోపిసదనాంతస్థంశివంవీక్షితుం

నోశక్నోతిసురేశ్వరోఽపిమనుజోవాఽన్యోపికుత్రాపివా .. 17

ప్రాగ్ద్వారాత్తవదక్షిణేనిజకరైస్సంభాసయన్నాలయం

సూర్యఃపాతితతస్తుదక్షిణతలేవిశ్వేశ్వరోఽసిప్రభో .

తత్పార్శ్వేతవపార్వతీప్రియతమాసర్వాంగసౌందర్యభాఙ్-

మాతాలోకతతేస్తవేశహృదయంయాచూచురద్యోగినః .. 18..

యస్యాదృష్టినిపాతనానికరుణాపీయూషవర్షీణ్యలం

భక్తేభ్యోఽఖిలకామదానిసతతన్నిర్యాంతినేత్రద్వయాత్ .

ఫుల్లాంభోరుహభాసురాననసమాలోకేనదీనాత్మనా-

మాధివ్యాధిముఖవ్యధావిలయనాదానందలీలోదయః .. 19..

తత్పార్శ్వేనగరేశ్వరాఖ్యతనుభృత్త్వందక్షిణేసంస్థితః

క్షీరారామమహాపురీమవసిభోః! ప్రేమ్ణాఖిలైశ్వర్యదః .

తత్స్థాయైనిజభక్తలోకతతయేకౌబేరసఖ్యంభృశం

శంసన్స్వంసహవీరభద్రతనయేనాత్మీయపార్శ్వేవిభో! .. 20..

పశ్వాద్దక్షిణదిక్తటేతవవిభోయామాతృకాస్సప్తతా

లోకాన్పాంత్యనిశంకృపార్ద్రహృదయస్త్వస్థాపయోరక్షితుం .

ఆధివ్యాధివిపన్నదీనమనసోమర్త్యాన్విపద్ధ్వంసినీ-

రాపన్నార్తినివారణేతవకృపాఽనన్యాదృశీశంకర! .. 21..

పశ్చాద్దుర్గమదుఃఖనాశనధృతాత్మీయవ్రతానారతం

దుర్గాశ్రీకనకాత్మికానివసతిశ్రీరామలింగేశ్వర!

నిర్దేశాత్తవభక్తరక్షణకృతేబ్రహ్మాతతోభారతీ

పశ్చాత్త్వద్భజనాయశంకరకుమారోఽథాత్మజస్త్వాంభజన్ .. 22..

యాదుర్గాఽఖిలదుర్గతిప్రశమనీలోకస్యభక్తావలి-

త్రాణాయావతతారదుష్టమహిషాభిఖ్యాసురంసింహగా .

హంతుందేవగణైరజయ్యమభయందత్తేఽఖిలాభీష్టదా

సాచాష్టాదశబాహుభిశ్శివసుతాత్పశ్చాదిహాస్తేపరా .. 23..

తస్యాఉత్తరదిక్తటేఽత్రవసతిత్వన్మూర్తియుగ్మంవిభో

శ్రీమత్సుందరతాండవేశ్వరపదఖ్యాతమ్మనోహృన్నృణాం .

యద్వీక్షావ్యథితాత్మనోఽప్యతితరామానందవీచీభ్రమ-

ద్ధంసత్వమ్మనసోవిధాయతనుతేభక్తింస్థిరాంత్వయ్యలం .. 24..

యస్యాఽత్యుగ్రతపోవిశేషదృఢసద్భక్తిప్రతుష్టాత్మనా

యద్దౌవారికతాఽద్భుతాపురముఖశంభోత్వయాస్వీకృతా .

సోఽయంత్వద్భజనాయబాణదితిజోభక్తాగ్రణీస్సంతతం

శ్రీమత్తాండవమూర్తితోఽథవసతిశ్రీరామలింగేశ్వర .. 25..

దత్తాత్రేయవపుర్ధరోఽసి భగవన్విజ్ఞానసిద్ధిప్రద-

స్తస్మాత్ప్రాగ్దిశి కాలభైరవయుతస్స్కందస్తతః ప్రాగ్విభో .

పాపఘ్నేశ్వరనామతోఽసి భగవన్నన్వర్థనామా తతో

ద్రష్టౄణాం శివ పాపభంజక ఇహ శ్రీరామలింగేశ్వర .. 26..

ఏవం స్వైఃపరివారకైస్సహ వృతాన్యోపాధినామవ్రజై-

ర్నానారూపధరస్వమూర్తిభిరిహ శ్రీరామలింగేశ్వర .

పార్వత్యా సహితస్స్వభక్తవితతిత్రాణాయ సర్వేశ్వర

క్షీరారామపురేఽతిపూతవసతౌ వ్యక్తస్స్వయం పాసి నౄన్ .. 27..

గోః కర్ణాత్క్వచిదీశ కుక్కుటతనోః కుత్రాపి వారాంగనా-

చూడాతః క్వచిదీశ హింస్రకమహావ్యాఘ్రాత్క్వచిత్తే జనిః .

చిత్రా భక్తజనావనాయ బహుధా సర్వాత్మతాదర్శినీ

శ్రీమద్భక్తమనోనివాసభగవన్ శ్రీరామలింగేశ్వర .. 28..

దేవాస్సంతు సహస్రశో దివి నృణామిష్టార్థదాస్సేవనా-

త్సవ్యాసవ్యవిధిక్రమోపకలితాత్క్షిప్రం ప్రసాద్యాశ్చిరం .

తోష్యాశ్చ త్వముమాపతే క్షణముహూర్తాద్యల్పకాలానుస-

న్ధానప్రాప్యకృపార్ద్రహృచ్ఛ్రితవిపద్ధ్వంస్యాశుతోషీ స్మృతః .. 29..

ధాతృశ్రీపతివాసవాదిదివిజాః పుంరూపిణోఽభీష్టదా

దీర్ఘేణేంద్రియశోషికృఛ్రతపసాఽసాధ్యేన యాగాదినా .

త్వం త్వేకాగ్రహదా ముహూర్తమితసత్కాలేన నిధ్యాయినాం

భక్తానామఖిలార్థదోఽఖిలవిపద్వ్రాతాత్సముత్తారయన్ .. 30..

ఆత్మానం కిమితీశ లింగవపుషా సంఛాదయామ్యంజసా

నాఽన్యే బ్రహ్మముఖాస్సురా ఇహ పరం సాంగైః స్థితా విగ్రహైః .

మన్యేఽహం పరమాత్మతాముపనిషద్బోధ్యాం విశుద్ధాం స్థిరాం

స్థాణుత్వేన చ సూచయస్యతితరామాద్యంతహీనామితి .. 31..

జ్ఞానానందమయం స్వమంతరనిశం లింగే స్థితో వీక్షసే

ధిక్కృత్యాఽఖిలజాగతం ను వికృతవ్రాతం సదా శంకర .

బాహ్యం ప్రాకృతమేతదీశ మలినం యోగాపకర్షక్షమం

నైర్గుణ్యం స్వగతం వ్యనక్షి జగతో లింగాత్మనా సంస్థితః .. 32..

నైర్గుణ్యం గుణనిర్గతేస్తు భవతో నాత్యంతికాభావత-

స్తత్తద్వైకృతలేపమాత్రరహితత్వాశంసకం మన్మహే .

సాగుణ్యం గుణవైకృతాశ్రయతయా మూర్తేష్వమూర్తేష్వపి

ఖ్యాతం జాగతవస్తుషు స్ఫుటతమం నైతద్విరుద్ధం విభో .. 33..

'జన్మాద్యస్య యతోఽన్వయాదితరత' శ్చేత్యాహపారాశరి-

ర్భూతానాముదయం స్థితిం లయమపి త్వత్తశ్శ్రుతిర్భాషతే .

నైగుణ్యం గుణశూన్యతా యది ఘటేతాన్యోన్యవిద్విష్టయో-

స్సామానాధికరణ్యమీశ్వర కథం తద్ధర్మయోర్మన్మహే .. 34..

ధత్తేవార్యవకారిసారసదలం లిప్యేత నేషత్తత-

స్సూర్యం భౌమరజో న లింపతి యథా నాకాశమగ్న్యాదికం .

ఏవం త్వాం ప్రకృతిర్న లింపతి జడా త్వత్సన్నిధానాజ్జగ-

త్కార్యాలిం విదధాతి దేహవదహో జీవాత్మసాన్నిధ్యతః .. 35..

మాయా సాత్వవికారిణీ గుణమయీ చిచ్ఛక్తిరూపా త్వయి

జ్యోత్స్నా చంద్రమసీవ వారిణి యథా వీచిః ప్రభాపూషణి .

ఇచ్ఛాజ్ఞానకృతిస్వరూపకలితా జీవే సుషుప్తౌ యథా

కల్పే నిశ్చలతాం గతా త్వయి పునస్సృష్టౌ విచిత్రక్రియా .. 36..

భేదస్తత్ర హి యత్పృథగ్విషయతామాపద్యతేఽన్యాత్స్వయం

యన్నైవం న తతస్తదన్యదితి సంవిజ్ఞాయతే విద్వరైః .

శక్తేశ్శక్తిమతో గుణస్య గుణినో నైవాపృథగ్భానతో

మాయాయాస్త్రిగుణాత్మనస్తవ భిదా శక్తేర్న కాపీశ్వర .. 37..

శక్తిం వాఽన్యగుణావిహాయ భగవన్నాత్మా న సందృశ్యతే

నాత్మానం చ విహాయ తేఽత్ర సకలం ద్రవ్యం గుణైరన్వితం .

హిత్వా ద్రవ్యమిహ స్థితిగుణతతేః కుత్రాపి నాలోక్యతే

తద్భేదః కృతిభేదజః కృతికృదప్యాత్మా త్వమేవేశ్వర .. 38..

దేహే గేహ ఇవానువిశ్య కరణైస్తైస్తైర్గుణైశ్శక్తితో

నానాకార్యతతిం కరోషి భగవంస్త్వం జాగతీమిచ్ఛయా .

సృష్ట్వా చిత్రమిదం జగద్భహువిధం రక్షస్యపి స్వేచ్ఛయా

సర్వం సంహరసీహ నర్తక ఇవ స్వం నాటకం జాగతం .. 39..

కర్తృత్వం ప్రకృతేర్జడామపి చ తామాహుః కథం వా లగే-

ద్యత్రాత్మా న వసేజ్జడస్య ఉదితో భిన్నశ్చ యస్త్వాన్మనా .

ఆత్మవ్యాపృతిమంతరా న కరణేష్వీక్ష్యేత కాపి క్రియా

కర్తృత్వం తదధిష్ఠితేస్తవ విభో విద్మోఽఖిలవ్యాపృతేః .. 40..

మాయోపాధిక! తేఽన్యజీవనివహస్యావిద్యకోపాధిక-

స్యాద్వైతం ప్రవదంతి తాత్త్వికబుధాస్తత్సాధు మన్యామహే .

రాజ్ఞో భృత్యగణస్య భేదవదిహోపాధ్యోః ప్రభేదాత్తథా

శక్తీనాం చ విభేదతో హర భిదా దృశ్యేత నైవాన్యతః .. 41..

నైవోపాధిమృతే మహోఽపి భగవన్కుత్రాపి సందృశ్యతే

మాయాం శక్తిమయీముపాధిమవలంబ్యాగ్నిర్యథా దాహికాం .

శక్తిః సూక్ష్మతమామనుప్రవిశసి స్థూలేషు సర్వేష్వహో!

దార్వాదిష్వివ లింగదేహముపయన్ జీవాత్మరూపరిశవః .. 42..

సృష్ట్యర్థే తవ లింగదేహధరణాన్నానాక్రియానుష్ఠితే-

స్త్వచ్ఛక్తిప్రకృతౌ క్రమాదధిగతం మాలిన్యమస్మాదిమాం .

శ్రీరామేశ్వర మన్మహేఽఖిలబుధా ఆహుస్త్వవిద్యామితి

త్వాం జీవంచతదాశ్రితంత్రిజగతీస్థూలాత్మసంస్థం విభుం .. 53..

ఇచ్ఛాజ్ఞానకృతిప్రభృత్యఖిలసచ్ఛక్త్యాత్మమాయామయో-

పాధిస్థస్య తవాంతరాత్మవిరహాత్కాపి క్రియా నో భవేత్ .

తద్రాహిన్యమవైకృతాయ నిభృతత్వాయాపి హేతుస్తవ

శ్రీమన్నిష్క్రియ నిర్వికార భగవన్నిత్యాత్మమోద ప్రభో! .. 44..

జీవేఽన్తఃకరణం గుణాశ్చ విషమాః కర్మాణి నానావిధా-

న్యంతశ్శత్రుగణస్స్వభావ ఇతి చాఽవిద్యాపి శంభో సదా .

తత్తద్భౌతికదేహవేశనముఖా నిత్యా విశిష్టా ఇమే

శ్రీరామేశ పరాత్మరూపసహితే శుద్ధస్య నిష్కర్మణః .. 45..

ఇచ్ఛాశక్తివిజంభణాత్ప్రథమతస్సృష్టౌ నిజజ్ఞానవి-

స్ఫూర్తస్త్రీపురుషాత్మభాగకృతిశక్త్యాప్తార్ధనారీశ్వర .

శుద్ధాంతఃకరణాదిరాజితవశీభూతాత్మమాయాబలా-

ద్బ్రహ్మాదీనసృజస్తతోఽఖిలజగత్సృష్టయాది సర్వేశ్వర! .. 46..

స్థూలోపాధయ ఈశ తేఽతివిమలాస్సర్వజ్ఞ సర్వేశ్వర

శ్రీమాయాఽఖిలశక్తిమయ్యపి వశా విశ్వస్యసమ్మోహినీ .

నానాకర్మసు చోదనేన సతతం హృత్పుండరీకస్థితో

మాయాశక్తినటీయుతో నటయసి త్రేధా జగన్నాటకం .. 47..

ఆత్మానం ప్రవిభజ్య కార్యభిదయా ధృత్వా తు మూర్తిత్రయం

స్వీయాభిస్సహ శక్తిభిశ్శివ నయస్యంకత్రయం జాగతం .

సృష్టిం బ్రహ్మవపుస్థితిం హరివపూ రుద్రాత్మవాంస్తల్లయం

నానాఽత్యద్భుతకర్మతత్ఫలముఖైర్జీవవ్రజే సంతతం .. 48..

మాయాం స్వాం ప్రణిధాయ సద్యవనికాం లోకాలిరంగస్థలే

స్వస్వప్రాక్తనకర్మలబ్ధవివిధాకారాన్నిధాయాత్మనః .

తత్తత్కర్మవిశేషభోగ్యఫలసంధానానుకూలక్రియాభేదై-

ర్నర్తయసి త్వమీశ బహుధా దుఃఖం సుఖం భోజయన్ .. 49..

పుణ్యంపాపమితి ద్విధాఽత్ర విభజన్కర్మాఖిలం పుణ్యతః

ప్రాప్తవ్యం సుఖమీప్సితం బహువిధం దుఃఖం తు పాపాత్పునః .

ఏవం వేదముఖాత్ప్రబోధ్య భగవంస్త్వం కర్మసూత్రం దృఢం

సంస్థాప్యానుగుణం ఫలం విదధసే ప్రాణివ్రజస్యేశ్వర .. 50..

ఆత్మాఽభీష్టసుఖోపధాయకకృతివ్రాతప్రబోధేఽపి తే

మాయామోహవశాః ప్రజా విదధతే పాపాని ఘోరాణ్యపి .

తత్ర త్వం కురుషే కిమీశ ఫలదః కర్మవ్రజస్యాత్మనాం

బద్ధా కర్మఫలవ్యవస్థితిరియం నిత్యావిభిన్నా కథం .. 51..

అంతర్యామితయా మహేశ వివిధోపాధిస్థితః కర్మసు

త్వం జీవానిహ చోదయంద్విఫలకేష్వామోహ్య మాయాబలాత్ .

శ్రీరామేశ సుఖం దదాస్యపి పునర్దుఃఖం చ తేభ్యోద్భుతం

కిన్న్వేతల్లలితం చ కీదృగితి నో విద్మో వయం శంకర ! .. 52..

ఉద్భిజ్జాదిజరాయుజస్థితమృగాంతోపాధికాత్మవ్రజే

ధర్మాఽధర్మవిధార్హతావిరహితే ప్రారబ్ధభోగాస్పదే .

హింసాధున్నతదోషకృత్యపి న వా శిక్షాం విధత్సే క్వచిత్

స్వస్వోచ్చాత్మగతిం దదాసి మనుజాంస్త్వం శిక్షసే దోషిణః .. 53..

స్వాతంత్ర్యం సదసత్క్రియాఽఽచరణగం దత్తం క్రిపా దర్శితా-

స్తా వేదైస్సఫలాస్తదౌపయికమప్యంగం మహాజ్ఞానతః .

స్వాభీష్టం సుఖమర్జయేతి గదితేఽప్యేషోఽశుభే వర్తతే

చేచ్ఛిక్షే తమితీరణం కిముచితం ధీచోదినస్తే శివ! .. 54..

బుద్ధీః కర్మసు సత్సు సర్వసుఖదేష్వేవాత్మనాం చోదయేః

కిం నేతీశ్వర కారణం తు న వయం విద్మో న చాహుః పరే .

దుష్కర్మవ్రజచోదనం తదనుగానేకవ్యధాపాదనం

కి యుక్తం శివదోఽసి శంకర! సదా లోకస్య సర్వేశ్వర .. 55..

జీవత్వం పరమేశ్వరత్వమపి తే సోపాధికం బ్రహ్మణ-

శ్శుద్ధస్యాగతమీశ! కుత్ర సమయే మాయాపి సమ్మోహినీ .

ప్రాప్తా వేతి న వేదయంతి జగదప్యేతచ్ఛ్రుతిజ్ఞాః పర-

న్త్వాహుస్సర్వమనాద్యుపాధిరహితం బ్రహ్మాఽస్తి తత్కుత్ర వా .. 56..

సర్వోపాధిషు సర్వలోకవితతావంతర్బహిర్వ్యోమవ-

ద్బ్రహ్మాస్తి స్వకసర్వశక్తికలితం విజ్ఞానవేద్యం విభుః .

శుద్ధం ప్రాకృతవైకృతాదిరహితం చైతన్యరూపం మహ-

శ్శ్రీరామేశ వదంతి తాత్త్వికబుధాస్తత్త్వాం తు మన్యామహే .. 57..

తచ్చైతన్యమనింద్రియాలివిషయం వాచా న వాచ్యం మనో-

ఽనూహ్యం నిర్వచనాఽశకం శ్రుతిగిరామీదృక్తయేదంతయా .

కో వేత్తుం ప్రభవేన్మహేశ్వర దృఢాఽవిద్యాఽఽవృతాత్మా జన-

స్సర్వజ్ఞేహ భవత్ప్రసాదమనవాప్యాఽశేషలోకప్రభో .. 58..

నిర్వక్తుం యదిహార్హమీశ భువనే కేనాపి వా తత్త్వత-

స్తద్జ్ఞాతుం ప్రయతేత తస్య ముఖతో జిజ్ఞాసులోకశ్శివ! .

యచ్చానిర్వచనీయమేతదఖిలైః బ్రహ్మాఽవగంతుం తు తత్

సర్వజ్ఞ త్వదనుగ్రహేణ తు వినా శంభో కథం శక్నుయాత్ .. 59..

యచ్చాణోరణు యన్మహచ్చ మహతశ్శబ్దాద్యవేద్యం చ యత్

సర్వత్రానుగతం జగత్యపి మనోవేద్యం చ నేదృక్తయా .

విశ్వస్యేంద్రియగోచరస్య యదధిష్ఠానం పరోక్షస్య చ

శ్రీరామేశ! విభో వినా తవ కృపాం తద్బ్రహ్మ వేద్యం కథం .. 60..

వేదా ఏవ న వేదయంత్యవిశయం శుద్ధాత్మతత్త్వంజగ-

త్తత్త్వం చేశ్వరతత్త్వమీర్దృగీదృగితి విస్పష్టం తు దిష్టైస్సహ .

సృష్టిం విష్టపసంహతేః స్థితిలయౌ జీవాత్మతత్త్వం చ వా

శ్రీరామేశ వినా కృపాం తవ జడా విద్మః కథం న్వంజసా .. 61..

జ్ఞానేన త్వదుపాహితేన విమలేనాత్మానమాలోడయ-

న్నజ్ఞానేన తిరోహితం శివ యథా సూక్ష్మానలం భస్మనా .

వేత్త్యేకోఽత్ర మహామతిస్స్వహృదయాంతస్థం త్వపోహ్యాఽఖిలం

మాలిన్యం నిజరూపభాగవిరతానందీ నివృత్తక్రియః .. 62..

బ్రహ్మాత్మానుభవైకవేద్యమితరోపాయైరవద్యం రసా

ఆస్వాదేన యథా ఫలాద్యనుగతా అన్యానవేద్యా ఇహ .

జాయేతానుభవస్స తావకకృపాలబ్ధామలజ్ఞానతో

నో తర్కైర్న చ వాగమాదిపఠనైర్మోహాపనోదశ్శివ .. 63..

మోహోఽయం కిల జాగతో విషయగోఽనాదిర్జగత్యా సహ

ప్రాప్తో మాయిక ఆత్మనః కరణతో బ్రహ్మాదికర్షీ ముహుః .

జీవస్యేశ వరాకరూపిణ మహాభాష్యో భవేత్కీదృశ-

స్యాత్సర్వజ్ఞ భవత్కృపాధిగతవిజ్ఞానైకనాశ్యశ్శివ .. 64..

తత్త్వం బ్రహ్మణ ఈశ్వరస్య జగతో జీవస్య కీదృగ్భవే-

దిత్యాలోడనమాత్మనౌపనిషదాద్యుక్త్యన్వితేస్సాహ్యతః .

మాయామోహనివర్తకం న భవతి ప్రాఝవ్రజస్యాప్యహో!

శ్రీరామేశ భవత్కృపామృతరసాసేకం వినా ముక్తిదం .. 65..

ప్రత్యక్షం జగదేతదీదృశమితి జ్ఞాతుం న శక్నోతి యః

సోఽప్రత్యక్షపరాత్మతత్త్వమఖిలం వేత్తుం కథం శక్నుయాత్ .

స్వాంతస్థం త్వహమాత్మనా ప్రతికలం సమ్యక్స్ఫురంతం ముహుః

స్వాత్మానం స్వయమీదృశోఽహమితి నో వేత్తీశ్వరం త్వాం కథం .. 66..

బీజౌఘం వివిధం విచిత్రవివిధాకరోద్గమప్రాపకం

సృష్టం కేన కథం, కథం పరిణతం భిన్నాత్మనాఽనేకధా .

తత్తద్వ్యక్తివిచిత్రరూపకలనం వేత్తుం న శక్నాతి యో

లోకేఽత్యద్భుతసర్వశక్తికలితం త్వాం వేత్తి కో వా పరం .. 67..

బ్రహ్మాండాని బహూని వక్తి కిల స వ్యాసోఽద్భుతాని స్వయం

చేతోవాగతిగాకృతీని పరతో భూలోకతోఽస్మాద్భృశం .

సౌభాగ్యేన చ సంపదా చ సుఖతస్సృష్టాని సంతి త్వయే-

తీశావైమి కథం మహామహిమవత్త్వత్కారుణీమంతరా .. 68..

ఏకస్యాపి చ వస్తునో భువి పరీణామం విభిన్నాత్మనా

సృష్టిం తస్య తథా న వేద య ఇహ ప్రాజ్ఞాత్మమానీ నరః .

వేత్తుం త్వాం యతతే సమస్తజగతీస్రష్టారమీశ త్వహో

మోహాత్త్వత్కరుణాం వినా కథమయం త్వాం వేదితుం శక్నుయాత్ .. 69..

భక్త్యా త్వత్పదపద్మచింతనపరః కృత్వా శరణ్యం దృఢం

త్వామేవాత్మని చేతసా సుభజనే సర్వేశ్వరం సంతతం .

తస్మిన్నాశు భవాన్ప్రమద్య దిశతి జ్ఞానం విమోహాపహం

సర్వజ్ఞత్వముపేత్య ముక్త ఇహ స స్యాన్నాన్యథేతి ధ్రువం .. 70..

వేదా యన్ముఖనిర్గతాః ప్రథమతో విశ్వాఢయవిజ్ఞానదాః

రూపైస్స్వైర్యమభిష్టువంతి సతతం వేదా ద్వయోః పార్శ్వయోః .

స్థిత్వా వేత్తి చ యస్త్రికాలగతమప్యేష ప్రభో విశ్వసృట్

స్వాం శంభో తనయామియేష హి వధూం వ్యాముహ్య మాయాబలాత్ ..

వేదాన్వ్యమ్య పరాశరస్య తనయః సర్వాన్విదిత్వా స్వయం

వేదవ్యాస ఇతి ప్రపంచనిచయే ఖ్యాతిం గతో మౌనరాట్ .

సూత్రైర్యోఽభిదధే తదోపనిషదం బ్రహ్మాత్మతత్త్వం స్ఫుటం

పుత్రే మోహమవాప్తవానతితరాం తిర్యగ్యుగావేక్షణాత్ .. 72..

విశ్వామిత్రపగశరాదిమునయో వేద్యోఽర్థసంవేదినో

యుక్తాత్మాన ఉపాత్తనీవ్రాపసో మోహం గతా మాయికం .

ఏవం వైషయికాత్మమోహవివశా లోకే మహాయోగినోఽ

పీశ ప్రాకృతమోహబంధభిదురా త్వేకైవ తే కారుణీ .. 73..

బ్రహ్మాఽనిర్వచనీయమేవ శివ సా మాయాప్యశక్యా పునః

నిర్వక్తుం జగదప్యనాదివివిధాకారం విచిత్రక్రియం .

జన్మోదీతిలయస్వభావకమిదం ప్రావాహికం నైత్యకం

దృశ్యేతేశ్వర తావకీనకరుణైవైకా విముక్తిప్రదా .. 74..

మాయామేవ నటీం విధాయ భగవంస్త్వం సూత్రధారత్వభా-

క్పాత్రాణీహ విచిత్రకర్మనివహానాస్థాప్య జీవవ్రజాన్ .

నానారూపధరాన్విచిత్రఫలకవ్యాపారనిర్వాహిణ-

శ్శం శోకం కలయన్నహో! నటయసే చిత్రం జగన్నాటకం .. 75..

సృభ్ట్యంకే తు రజోగుణాశ్రయమజం సంస్థాప్య మర్గోచతాం

శక్తిం తత్సహకృత్వరీమపి విధాయానంగముఖ్యైర్నటైః .

శృంగారం నటయంత్విమోహ్య చ మిథస్త్రీపుంసరూపం ప్రజో-

త్పాదాద్యైస్త్రిజగత్సదాశివ సదా సంసారయస్యద్భుతం .. 76..

స్థిత్యంకే సకలాన్ రసానభినయన్ జీవైర్మనుష్యాదిభిః

పాత్రైర్మోహముదంచయన్ ప్రకృతిజం సాంసారికం భోగగం .

కమక్రోధముఖాత్తవైకృతవిధివ్రతిహృషీకాహితై-

శ్చిత్రైః కమభిరీశ నటయసి భో సర్వం జగత్సర్వదా .. 77..

విష్కంభా బహవోఽత్ర తు ప్రతిరసం తత్తత్త్రివర్గాశ్రయా

శ్చిత్రానేకచరిత్రదర్శనపరాః కేచిన్సుఖాంతాః పరే .

దుఃఖాంతాస్సుఖదుఃఖమిశ్రకృతయస్సంసారమోహాశ్రితా

నానానాయకనాయికాలికలితా దర్శ్యంత ఈశ త్వయా .. 78..

అన్యోన్యాకృతిముగ్ధయో స్మరశరవ్యాఘాతసంరబ్ధయో-

స్సంయోగత్వరమాణమానసగతిప్రక్రాంతబిబ్వోకయోః .

ప్రాప్తాత్మీయరతాంతరాయహతయోః పశ్చాద్యుజోః కామినోః

శృంగారం ద్వివిధం కథాలికథితం శంభో క్వచిద్దర్శయేః .. 79..

రాష్ట్రాక్రాంతినిరీక్షిణోర్నిజబలైర్దృప్తాత్మనోః క్రుద్ధయో-

రల్పేనాఽప్యపరాధతో రణయుజోస్సైన్యావలీచోదినోః .

రాజ్ఞోశ్శస్త్రపరిభ్రమోద్గిరదహంకారోక్తివారైర్మిథో

వీరం రంగతలేషు దర్శయసి తత్సైన్యావలేశ్చేశ్వర! .. 80..

ఆధివ్యాధివిపద్వ్రజప్రతిహతైర్దీనైర్నితాంతం జనై-

రార్తశ్శంకర దీనరక్షక విభో దీనం భృశం పాహి మాం .

యాతస్త్వాం శరణం త్వనన్యగతికశ్శంభో ఇతివ్యాహృతేః

క్షిప్రైతత్పరిరక్షణేషు కరుణం శంభో సమాదర్శయేః .. 81..

చాపం మేరుగిరిం శరం హరిమురుం మౌర్వీం చ తం వాసుకిం

తూణీరం జలధిం విధాయ రథమప్యాధాయ విశ్వంభరాం .

చక్రే భానువిధృం హయాంశ్చ నిగమానక్షం తు ధర్మం ప్రభో!

మాయావిత్రిపురాసురాలిహననే ప్రాదర్శయస్త్వద్భుతం .. 82..

గంగాం మూర్ధ్ని దధాసి వల్లభతయా త్వామర్ధదేహేన కిం

భూతిం వాన్ఛసి సర్వదా ప్రకృతిజా సర్వస్య సా న ప్రియే .

దివ్యాలంకృతిభూషితో హరిరహం త్వత్తో న కిం భూషిత-

స్త్వేవం నర్మవచస్సుహాస్యముమయా సందర్శయస్యాత్మనా .. 83..

వైయాఘ్రం పరిధాయ హాస్తినముపర్యాధాయ చర్మప్రభో!

ఫాలాగ్నిం జ్వలయన్ రుషా ఫణివరైర్హాలాహలోద్గారిభిః .

భస్మచ్ఛన్నవపుస్త్రిశూలముపయన్నుగ్రం కరే వేగత-

స్త్వాయాన్హంతుమరీన్భయానకరసం శంభో క్షిపస్యాజిషు .. 84..

తత్తచ్ఛస్త్రనికృత్తబాహుశిరసశ్ఛిన్నోరుజానూదరా-

న్నిర్యద్రక్తఝరీవసాదిపిశితచ్ఛేదౌఘహపంకస్థితాన్ .

శత్రూన్వీక్ష్య రణాజిరేషు చతురంగానీకభగ్నాంగకైః

బీభత్సం రసమాప్నుయాన్న పురుషః కో వాఽఽత్మనా తే శివ .. 85..

రక్షోఽసుక్షపణార్థతీక్ష్ణహృదయక్షోభోత్థరోషానలో-

త్క్షేపోద్రిక్తతృతీయవీక్షణశిఖాశ్రేణ్యా దహన్కాంశ్చన .

హుంకారైశ్చ పరాంస్త్రిశూలనిశితక్షేపైఃపినాకేషుభి-

శ్చాన్యాన్ ఘ్నన్ లయనేషు దర్శయసి భో రుద్ర త్వదీయం రసం .. 86..

భక్తానామభయప్రదానవిపదుత్తారాత్మరక్షాస్వహో

దేయాదేయవిమర్శవర్జమఖిలాభీష్టార్థదానేష్వపి .

వాత్సల్యం శివ సాధ్వసాధుసమతాం సందర్శయస్యాత్మనా

మార్కండేయదశాస్యబాణముఖసద్భక్తేష్వివాన్యేషు చ .. 87..

శాంతం సర్వజగత్సమావనవిధావాత్మానుసంధౌ సదా

యోగేనాఽవికలేన శిష్యతతయే విద్యోపదేశేఽవలం .

జీవబ్రహ్మవిశుద్ధతత్త్వవివృతౌ దుర్వారమాయామహా-

మోహోర్మ్యుగ్రభవార్ణవోత్తరణకృద్యోగోపదేశేషు చ .. 88..

సంసారే సకలాన్ రసానభినయన్సర్వైశ్చ జీవైర్విభి-

న్నాకారైర్బహువేషభాషణయుతైర్నానావిధవ్యాప్రియైః .

చిత్రాత్మీయకృతిప్రసూతఫలవైచిత్ర్యానుసంధాయిభి-

ర్మాయామోహవికారదర్శిభిరహో! సంభ్రామయేస్సంతతం .. 89..

కల్పాంతే జగతో లయాయ పృథివీం వాయుం చ వహ్నిం జలం

సూర్యే విప్లవరూపకానిహ విభో సంచోద్య రోషాగ్నినా .

ఫాలాగ్నిం జ్వలయన్నుదగ్రవివిధోత్పాతైః క్షణాద్భస్మసా-

కుర్వన్సర్వవపూంషి నృత్యసి మహారుద్రోగ్రకాల్యా సహ .. 90..

అర్కైర్ద్వాదశభిస్సమం సముదితైస్తిగ్మాంశుభిస్తాపయ-

న్నత్యుగ్రాగ్నిశిఖాభిరీశపరితమ్సందాహయన్భూతలం .

ఝంఝావాతయుతాఽతివృష్టిభిరిలామాప్లావ్య చాబ్ధ్యూర్మిభి-

ర్భృకంపైరశనివ్రజైశ్చ బహుధా జీవాసుహర్తా హర! .. 91..

జీవాన్ స్వప్రకృతౌ విలాయ్య విపులం కాలం స్వచిచ్ఛక్తియు-

క్స్వానందం భజసే తమస్యతితరాం యావచ్చ జీవావలేః .

కర్మాణ్యాత్మఫలానుభావకపరీపాకం వ్రజేయుర్విభో

పశ్చాద్భూతతతిం పునస్సృజసి భో కో వేద లీలా ఇమాః .. 92..

సృష్టిః పుష్టిరథ ప్రణష్టిరితి భో లోకస్య లీలా ఇమా

ఆహుర్నిత్యశ ఈశ నిర్గుణ సదానందాత్మరూపస్య తే .

సంసారోఽతిమహాన్ సదాఽద్భుతతమస్సంవీక్ష్యతే జాగతో

మృఢానామిహ మాదృశాం భవగతిస్స్యాత్కీదృశీ దుస్తరా .. 93..

కామక్రోధముఖారివర్గవిజయీ వశ్యాత్మమాయస్సదా-

ఽఽనందీ నిర్వికృతిర్జగద్విధిఫలవ్రాతానుభావాదిషు .

తత్తజ్జీవకృతక్రియాఫలతతేర్దానేషు సక్తస్సదా

సంసారం విదధాసి జాగతమహో సర్వజ్ఞ సర్వేశ్వర! .. 94..

మాయా తేఽస్తు వశా వశాని కరణానీశాన సంత్వంజసా

జన్మవ్యాధిజరామృతిప్రభవజం దుఃఖం న జాత్వస్తు వా .

ఆత్మానందమహావిభూతికలనే యోగేన శంభో జగ-

త్సంసారః ప్రతిబంధకో న హి కుతోఽత్యాపన్నరక్షాదిభిః .. 95..

గార్భే మార్తమితీహ మర్త్యసహజం సంత్యజ్య దుఃఖద్వయం

సంసారే పరదుఃఖహీనమనుజస్సమ్రాడ్ దరిద్రోఽపి వా .

నో దృశ్యేత భవత్సమగ్రకరుణాపీయూషభాక్కశ్చన

స్యాచ్చేత్కోటిమితేషు శంకర భవేన్మర్త్యేషు వాఽన్యేషు వా .. 96..

సేనానీః ద్యుసదాం తవౌరససుతస్కందో గణానాం పతి-

శ్చాన్యస్తావకసర్వశక్తికలితౌ ద్వావర్థదేహే వథూః .

ఏకా మూర్ధ్న్యపరా కుటుంబమపరం ప్రాణిప్రపంచాత్మకం

భర్తవ్యం భవతో భవేఽతివిపులో రాగోఽజ్ఞహృద్గోచరః .. 97..

సర్వాంగీణకభూతిధారణమలం వాసశ్శ్మశానావనౌ

ముండస్రగ్ధరణం కపాలకరతా నాగాలిభూషాకృతిః .

దిగ్యాసస్త్వమశేషవిష్టపమహాసామ్రాజ్యనాథస్య తే

వైరాగ్యం భవగామ్యనన్యసదృశం సువ్యంజయంతీశ్వర! .. 98..

రాగారాగయుగం భవే భవ తవాయత్తం తు లోకోత్తరం

మాయాయా మనసోఽపి వక్తి వశతాం లోకోత్తరామీశ్వర .

సంసారే సరతాం మనో యది వశం మాయాపి సా స్యాద్వశా

వశ్యేతే యది పద్మపత్రజలవద్బధ్నాతి తాన్నో భవః .. 99..

వశ్యం యస్య మనో వివేకవశగం వశ్యాని సర్వేంద్రియా-

ణ్యాక్రష్టుం విషయాన్న శక్నుయురపావృత్తాత్మవృత్తేస్తతః .

ఆనందస్సహజస్ఫురేద్ధృది న తం లింపేత్తు బాహ్యం సుఖం

దుఃఖం వా విషయాగతం బధిరజాత్యంధాదివచ్ఛంకర .. 100..

విద్యా సద్గురుసంప్రసాదసమనుప్రాప్తా వివేకం దిశే-

ద్ధర్మో నిష్ఫలకామనస్సువిహితస్తం వర్ధయేచ్చేతసః .

శుద్ధిం సంవిదధచ్ఛమాద్యుపహితామంతర్బహిః కల్మషే

నిర్ణుద్యేశ్వర నిర్మలాం త్వయి దృఢాం భక్తిం దిశేత్తారికాం .. 101..

అజ్ఞానం వివిధం రుణద్ధి హృదయం ప్రజ్ఞానమీషచ్చ నో

విజ్ఞానం వివిధం వశం తవ విభో సర్వజ్ఞ సర్వేశ్వర .

సంసారాంబుధిశోకవీచివలయభ్రాంతస్య మేఽహర్నిశం

భక్తిం చేత్తరణిం దదాసి న కదా వా స్యాత్కథం నిర్వృతిః .. 102..

బ్రహ్మానందమహావిభూతిగమకం జ్ఞానం ప్రభో దుర్లభం

కామక్రోధముఖారివశ్యవిషయవ్రాతాఽతిముగ్ధాత్మనాం .

దూరాణాం శమముఖ్యమిత్రవితతేస్సంసారదుర్వాసనా-

దుష్టానాం సతతార్థకామసుఖసంధానాతురాణాం శివ! .. 103..

సాంగాం వేదచతుష్ట్రయీం పఠతు వా షడ్దర్శనీసంయుతాం

వేదాంతానఖిలాంశ్చ భాష్యనివహైః క్రోడైరధీతాం బుధః .

నాఽన్తశ్శత్రుహృషీకవర్గవిజయే కిం త్వర్థకామార్జనే .

సాధీతిస్సహకారిణీ కథమహో! జ్ఞానోదయోఽస్యేశ్వర .. 104..

అత్యుచ్చామ్రశిరోగతం ఫలమివాధస్థస్య పంగోర్యథా

దుష్ప్రాప్యం భవభోగముగ్ధమనసాం జ్ఞానం పరబ్రహ్మణః .

కస్మిన్వాపి యుగే భవత్సుకరుణా లబ్ధాత్మతత్త్వాన్వినా

ఘోరే దుర్విషయైకభోగనిరతస్వాంతే కథం స్యాత్కలౌ .. 105..

శ్రీరామేశ పురా శ్రితావనపరశ్శ్రీదక్షిణామూర్త్యభి-

ఖ్యాకాత్మా వటవృక్షమూలవసతిర్వృద్ధాత్మశిష్యాలయే .

మౌనేనైవ పరాత్మతత్త్వమఖిలం ప్రాదర్శయస్సమ్యగి-

త్యాహుస్తత్త్వవిదస్తథా యది కృపా జ్ఞానం సులభ్యం తదా .. 106..

అస్మిన్నేవ కలౌ యుగే నిగమవాక్సిద్ధాంతసంబోధన-

ద్వారేణాత్మపరాత్మతత్త్వగమకం భాష్యం తు శారీరకం .

సంబధ్యాపి చ పద్మపాదముఖసచ్ఛాత్రేభ్య ఈశ స్వయం

శ్రీమచ్ఛంకరదేశికేంద్రవపుషా తత్త్వం న వోపాదిశః .. 107..

బౌద్ధాదిశ్రుతిమార్గరోధికుమతవ్యాప్తే ధరామండలే

నష్టప్రాయసమస్తధర్మనివహే శ్రీశంకరావాతరః .

కాలేయాని మతాని తాన్యుపనిషత్తత్త్వాన్వయైర్యుక్తిభి-

ర్వాదే ఖండయతా త్వయా శ్రుతిశిరోమార్గస్ముసంస్థాపితః .. 108..

దత్తాత్రేయముఖావతారనివహం స్వీకృత్య నానాకలా

గూఢార్థానుపదిష్టవాన్కరుణయా శిష్యేభ్య ఈశాఽఖిలాన్ .

వాత్సల్యం కియదస్తి తే శ్రితతతౌ శ్రీజామదగ్న్యాయ త-

త్పుత్రేణైవ సహాఖిలశ్రుతికలాధ్యాప్తి స్ఫుటం వక్తి నః .. 109.

సంసారే విషయోపభోగవితతిప్రాప్యార్థకామార్జనే

సంసక్తస్య సదాపి ధర్మమధరీకృత్య ప్రవృత్తస్య మే .

ప్రాప్తా దుఃఖతతిర్విరక్తిరపి వా విశ్రాంతిరీషచ్చ న

క్వ జ్ఞానేఽధికృతిర్న వాఽనవరతా భక్తిశ్చ కా మే గతిః .. 110..

నామ్నాయోదితకర్మజాలమసకృన్నిత్యం చ నైమిత్తికం

సశ్రద్ధం చరితంక్వ చేష్టమపి వా పూర్తే జనావత్ర మే .

చేతశ్శుద్ధిరిహాప్యముత్ర చ సుఖవ్రాతస్య భుక్తిశ్చ వా

శంభో స్యాన్ను కథం విముక్తిసరణిస్త్వత్యంతదురా ప్రభో! .. 111..

కర్మాణ్యాచరితాని వైధవిదితస్స్వీయం ఫలం ప్రాపయ-

న్త్యాత్మానం చ పునంతి కామరహితం వేదోదితాని ప్రభో! .

కామ్యాన్యల్పనిజాంగలోపఘటనేఽప్యత్యంతసోపద్రవా-

ణ్యారాద్ఘ్నంతి చ దేవ! సత్ఫలగతిర్దూరా విధేర్వైకృతాత్ .. 112..

కర్మాణ్యాచరితుం శరీరకరణార్థాఢ్యాత్మశక్త్యాదికం

శ్రద్ధా చాపి దృఢాఽలసత్వవిరహాద్యావశ్యకానీశ్వర! .

క్వైతాన్యత్ర కలావధర్మగమకే సర్వాంశదౌర్బల్యదే

నాస్తిక్యప్రబలేఽర్థకామనిరతే నృణాం ఘటేరన్ ప్రభో! .. 113..

జాతానాం మరణం న పశ్యతి జనః కో వా నృణాం భూతలే

వృద్ధిం వా జననం చ నిత్యశ ఇదం నిత్యక్రియాచక్రకం .

వీక్ష్యాపి స్వకనిత్యతాం తు మనుతే మోహాదకృత్యేష్వలం

భోగార్థీ యతతే సదేంద్రియవశో మర్త్యః కథం నిర్వృతిః .. 114..

ఏకాం భక్తిమిహ స్థిరాం త్వయి కలౌ సంసారసంతారికా-

మాహుర్వృద్ధజనాస్సమస్తసుఖదాం తాపత్రయోన్మూలినీం .

సత్సంగాచ్చరితశ్రుతేస్సముదితానామానుకీర్తేః స్మృతే-

ర్మూర్తేస్తే గుణసంస్తుతేర్మనుజపాభ్యర్చాదిభిస్సా స్థిరా .. 115..

జిహ్వా వక్తి సహస్రశః ప్రతిదినం స్వీయార్థకామాశ్రయాన్

శబ్దానైహికకార్యసిద్ధ్యనుగుణాన్నానావిధాన్మే శివ! .

అత్రాముత్రసుఖప్రదానఖిలదుష్పాపాటవీదాహకాన్

శబ్దాంస్త్వద్గుణనామకీర్తనపరాన్నో వక్త్యభీష్టార్థదాన్ .. 116..

శ్రోత్రాభ్యాం పరమేశ తావకకథా నాకర్ణితాశ్శ్రద్ధయా

హస్తాభ్యాన్నశిరోఽభిషేచితమలంశుద్ధోదకేనప్రభో! .

లూనైర్బిల్వదలాదిభిస్తవ పదద్వంద్వం న వా పూజితం

పాదాభ్యాం న గతం త్వదాలయపదం శంభో! కథం నివృతిః .. 117..

అష్టాంగైరభివందనం తవ పదాంభోజాయ జానామి నో

చేతో జాతు న తావకస్మృతిరతం సంసారసమ్మోహితం .

జానామీశ భవత్పదాబ్జయుగలీసేవాం భవోత్తారికాం

తచ్ఛోకానుభవేఽపి ముంచతి న మాం మోహః పిశాచో యథా .. 118..

ఆపత్సు స్మరణం గుణస్తుతిముఖైస్తన్నిస్సృతేర్విస్మృతిః

సంపత్సు స్మరణం న జాతు తనుతే చౌర్యం న్విదం చేతసః .

ఆస్తిక్యం విపదీశ సంపది పునర్నాస్తిక్యమేతత్కలా-

వాస్తిక్యం నిజకామపూర్తిఫలకం శంభో కథం నిర్వతిః .. 119..

యా విద్యా పఠితా మయా గురుకృపాసాహ్యేన సా శంకరా-

ఽశ్రాంతం స్వీయకుటుంబపోషణవిధౌ పర్యాపితాభూదహో !

ధర్మానుష్ఠితయే పరాత్మగతయే భక్త్యా భవత్సేవనే

నైవాసీత్సహకారిణీ పరమఘానుష్ఠానతోఽవారయత్ .. 120..

పాపాన్యాచరితాన్యురూణి న మయా పుణ్యాని వా కానిచి-

న్నిత్యానీశ! యథాకథంచన నిమిత్తాప్తాన్యకార్షం విభో! .

ఆస్తిక్యం హృదయేఽస్తి దుర్గ్రహగతేశ్చిత్తం త్వదారాధనే

లగ్నం నైవ భవేన లంపటమిహాముత్రాపి కా మే గతిః .. 121..

ఐశ్వర్యం వివిధం కలాశ్చ సకలా అజ్ఞాననిర్మూలకం

విజ్ఞానం వివిధం పరాత్మవిషయం జ్ఞానం తు తత్తాత్వికం .

సర్వాశ్శక్తయ ఈశ తేఽతివివశా నాదేయమీషచ్చ తే

భక్తేభ్యశ్శివ మూఢధీర్నభజతే త్వామాశుసంతోషిణం .. 122..

పుష్పైర్బిల్వదలైస్సితాక్షతముఖైర్గంధాదిభిః పూజనే

శ్రాంతిః కాఽమలవారిణాఽభిషవణే మంత్రానువాదైస్సమం .

త్వత్పంచాక్షరమంత్రమానసజపే త్వన్మూర్తిసందర్శనే

త్వన్నామోచ్చరణేఽపి హంత విముఖం చిత్తం కలేః ప్రాభవాత్ .. 123..

సంసారేఽస్తి కియత్సుఖం కియదథో దుఃఖం చ జానేఽఖిలం

దుఃఖాన్యేవ నిరంతరాణి సతతం భుక్తాని కించిత్సుఖం .

తచ్చాపి క్షణికం తదర్జనకృతే దుఃఖం తు నానావిధం

శంభో భుజ్యత ఏవ కింతు విరతం సంసారతో మే న హృత్ .. 124..

జ్ఞాత్వాపీశ! భవత్పదాబ్జభజనం సార్వార్థసంసాధకం

నాసారజ్జువికృష్యమాణవృషవద్వ్యామోహపాశైదృఢం .

కృష్టస్సంసృతిగైశ్చరామి సతతం ఖిన్నోఽర్థసంసిద్ధయే

సాపి స్యాత్కథమీశ తావకకృపాపాంగప్రసారం వినా .. 125..

యే ప్రాచీనజనివ్రజేఽనితరయా భక్త్యా సమారాధ్నువ-

న్ధ్యానైర్మంత్రజపైస్తవైరభిషవైరచోదిభిశ్శ్రద్ధయా .

సర్వేశ్వర్యయుతా అవాప్య మనుజానందైరశేషైర్యుతాః

ప్రజ్ఞానప్రతిభాంచితాత్మధిషణా విజ్ఞానతేజోఽన్వితాః .. 126..

తే త్వామత్ర చ జన్మనీశ్వర భవత్పాదారవిందాశ్రయాః

ప్రాగ్జన్మానుగతాత్మసంస్కృతిబలాదారాధ్నువంతి ప్రభో! .

ధన్యా భుక్తిమిహాప్యముత్ర వివిధామాసాద్య ముక్తిం జనా

అంతే ప్రాప్నుయురీశ భక్తిబలసంప్రాప్తాత్మబోధోదయాత్ .. 127..

యే చ త్వత్పదపద్మభక్తివిముఖాస్సంసారసేవారతా

ధర్మే ముక్తిపథం విహాయ గిరిజానాథార్థకామాశ్రయాః .

తేషాం ప్రాక్త నపుణ్యపాకవశతో భుక్తేరిహాణోర్గతా-

వప్యాముష్మికభుక్తిరీశ కథమాసీదేద్విముక్తిఃకథం .. 128..

భక్త్యా త్వత్పదపద్మచింతనపరః కృత్వా శరణ్యం దృఢం

త్వామేవాత్మని చేతసా సుభజతే సర్వేశ్వరం సంతతం .

తస్మిన్నాశు భవాన్ప్రవాన్ప్రసద్య దిశతి ఝానం విమోహాపహం

సర్వజ్ఞత్వముపేత్య ముక్త ఇహ స స్యాన్నాన్యథేతి ధ్రువం .. 129..

మోహం మే హర సంసృతౌ హృదయగం తాపత్రయం నిర్ణుదన్

విశ్రాంతిం దిశ చేతసో జహి రిపూనంతస్థితాన్శంకర !

భక్తిం మే దిశ భుక్తిముక్తిఫలదాం నానావిధాం సుస్థిరాం

మాయాం మయ్యపవర్తయాశు శరణం యాతోఽస్మి కిం వా దిశ .. 130..

యాచే నాహమిదంతయా కిమపి యత్సర్వజ్ఞ మే వేత్సి త-

ద్దేయం నిత్యసుఖప్రదం వివిధదుస్తాపాపహం శంకర!

భక్తిం త్వత్పద్మయోరవిరతామేకాం తు యాచే సదా

శక్తిం దుర్విషయాపవారణపటుం చిత్తస్య నిగ్రాహిణీం .. 131..

త్వన్నామాని గృణంత్యజస్రమపి మే జిహ్వాఽస్తు సంశోధితా

శ్రోత్రే త్వచ్చరితామృతాఽఽక్లనతస్స్యాతాం తు పూతే సదా .

నేత్రే తావకదివ్యవిగ్రహసమాలోకైశ్చ సంశోధితే

పాణీ భవ్యభవత్పదార్చనముఖైస్స్యాతాం విభో శోధితౌ .. 132..

చిత్తం సంసరతాత్సదాపి సకలైస్సాకం హృషీకైర్భవ-

త్పాదాంభోరుహచింతనే చ మననే నానామహిమ్నాం తవ .

మూర్ధా సాంజలిబంధ ఈశమహిమవ్రాతాస్పదత్వత్పద-

ద్వంద్వాంభోజయుగాభివందనవిధౌ నమ్రం సదా వర్తతాం .. 133..

మాభృద్ధర్మపరాఙ్ముఖం మమ మనః కాలేయదుర్వాసనా-

గ్రస్తం వా విషయోపభోగనిరతం భూయాద్వివేకాంచితం .

మాయామోహమహాహిపాశదృఢసంబద్ధం భవాంభోధిదు-

ర్వీంచీభృతమహావ్యథాఽఽకులహృదం మాముద్ధరాశ్వీశ్వర! .. 134..

శ్రీరామేశ! భవత్ప్రసాదవశతః కర్మావనౌ భారతే

ప్రాప్తం మానవజన్మ దుర్లభతమం తత్రాపి విప్రాన్వయే .

విద్యాప్యాగమికీ హితాఽహితపరిజ్ఞానం చ కించిద్యశో-

ఽప్యేతత్సర్వమనర్థకం భవతి మే త్వత్సేవనాభావతః .. 135..

తారుణ్యం వయసో గతం శివ చతుష్షష్ట్యాత్మకం వర్తతే

ప్రాప్తం వార్ధకమింద్రియేషు పటుతా యాతాఽఖిలాంగేషు చ .

ఆధివ్యాధినిపీడితోఽస్మి సతతం నైవార్థకామావపి

ప్రాప్తౌ ధర్మకథాపి నైవ కథముత్తారో భవాంభోనిఘేః .. 136..

వ్యగ్రోఽహం జనిమృత్యుమోహలహరీశోకోగ్రవీచీమహా-

వేగాఘాతపరంపరాతిభయదే సంసారఘోరాంబుధౌ .

మగ్నశ్శంకర యాపయామి సమయం త్వద్భక్తినౌకా కదా

లభ్యేతేతి సుఖప్రదా యది దిశేస్తామత్ర శంభో సుఖీ137..

దీర్ఘాయుర్దిశ మే శరీరపటుతామరోగ్యభాగ్యాన్వితా-

మాధీన్మే శమయైహికాన్మమమ మనస్త్వత్సేవనవ్యాపృతం .

పూతత్వద్గుణవర్ణనైకనిరతాం మత్కావ్యకన్యాం కురు

శ్రీరామేశ విభో త్వదీయకరుణామవ్యాజతస్సారయ .. 138..

మార్కండేయమహామునిప్రభృతయస్త్వద్భక్తికాష్ఠాశ్రయాః

శ్రీమృత్యుంజయమృత్యుమేవ కిల తే జిత్వా సదోపాసతే .

సర్వజ్ఞాస్సతతం యతః పశుపతిస్త్వం కీర్త్యసే సంసృతేః

పాశైర్బద్ధమవేశ మాం కరుణయా త్వవ్యాజయా శంకర! .. 139..

విశ్రాంతిర్మనసః కదాపి ఘటతే సాంసారికవ్యాపృతి-

వ్రాతాశ్రాంతపరిభ్రమాన్న శివ మే శిష్టార్థచింతాభరాత్ .

ధ్యానే తే భగవన్మనోర్జపవిధౌ మూర్త్యర్చనాదౌ చ వా

కాలో మే లగతి క్షణోఽపి న కథం సంసారతో నిస్సృతిః .. 140..

భక్తిర్మే త్వయి వర్తతే హృది దృఢా శ్రద్ధాపి సాంసారికం

నిర్ణుద్యాఖిలతాపవర్గమమలం జ్ఞానం దిశన్ సంసృతేః .

బంధాన్మోచయసి త్వమేవ శరణీయోఽసీతి చాఽథాపి మే

దుష్కర్మాప్తఫలావరోధబలతో నోపాసనా సిద్ధయతి .. 141..

అవ్యాజాం కరుణాం ప్రసార్య భగవన్ దీనం దయాలోఽవ మాం

శంభో! సంసృతిసాగరోర్మ్యభిహతం శ్రీరామలింగేశ్వర .

మోహం మేఽపనుదాత్మగం భగవతం జ్ఞానం దిశాధ్యాత్మికం

శంభో! త్వాం శరణం గతోఽస్మి శరణాపన్నావనైకవ్రత .. 142..

కాలేయాఖిలకల్మషాక్రమణతో భ్రష్టాన్ స్వధర్మవ్రజాత్

సర్వాధర్మపరాత్మనో నరపతీన్నౄశ్చాపి దృష్ట్వా భృశం .

ధర్మాధర్మవిదో మనశ్శివ న వాచే ఖిద్యతే విప్లవై-

రవ్యాజాం కరుణాం ప్రసార్య కలినిగ్రాహీహ ధర్మానవ .. 143..

సంసారోఽయమసారైత్యనుభవైర్జానన్నపిక్లేశకై-

ర్నిత్యం తైర్బహురూపకైరుపగతైర్మోహో జహాతీహ న .

త్వత్పాదాశ్రయణం సుఖావహమహో ప్రాప్నోతి నో జాతుచిత్

శంభోఽవ్యాజకృపాం ప్రసార్య భగవన్ మాం పాహి దీనం విభో .. 144..

ఘోరే త్వత్ర మహాకలౌ విపది వా యే త్వాం స్మరేయుర్జనాః

తాన్ పాపానపి చాశుతోషిపదభాక్త్వం రక్ష కారుణ్యతః .

కాలో దూరతరః కలేర్హరికృపా దత్తోఽస్తి కర్మావనా-

వస్యాం వైదికవర్త్మ రక్ష భగవన్ శ్రీరామలింగేశ్వర .. 145..

యే భక్తా మననేన చాత్మసు విముక్త్యధ్వానుసందర్శకం

స్తోత్రం తేఽవహితాత్మభిః పునరధీయేరన్ దృఢశ్రద్ధయా .

తే భక్త్యేహ భజేయురీశ భవసంతాపాపహం త్వాం సదా

సంసారే సుఖినో విముక్తిపథగాస్త్వత్కారుణీమాప్నుయుః .. 146..

ఆత్రేయాన్వయసింధుకౌస్తుభసుధీలక్ష్మీనృసింహాత్మజః

కల్యఃపుల్య ఉమామహేశ్వరస్కృతీ ఫణ్యంబికాగర్మజః .

శ్రీవిద్వత్కవిసార్వభౌమపదభాక్ శ్రీరామలింగేశ్వరం

భక్త్యాఽనూనవదస్త్వనేన భగవాన్ ప్రీతోఽఖిలార్థప్రదః .. 147..

అభినవపండితరాజాద్యభిరూపసభాప్తబిరుదనవరత్నః .

స ఉమామహేశ్వరసుధీస్తవరాజమిమం బభాణ విబుధముదేఽస్తు .. 148..

ఇతి శ్రీమత్సప్తగోదాపరాంతర్గతోభయగోదావరీమధ్యస్థ

శ్రీకోనసీమమండలమండనాయమానముంగండాపరాభిధాన-

మునిఖండమహాగ్రహారవాస్తవ్య శ్రీవిద్యావాచస్పతి,

విద్వత్కవిరత్న, అభినవపండితరాజ, మహోపాధ్యాయ,

వైయాకరణకేసరి, ధర్మోపన్యాసకేసరి' ఇత్యాదివివిధ-

బిరుదవిభూషిత శ్రీవిద్వత్కవిసార్వభౌమ పుల్యోమామహేశ్వర-

కృతికృతిషు శ్రీరామలింగేశ్వరస్తవరాజస్మంపూర్ణః ..

సర్వే జనాః సుఖినో భవంతు,

శుభమస్తు.

వివాహ పొంతనలు , శుభ ముహూర్తాలు,జ్యోతిషం , న్యూమరాలజీ(పిల్లల పేర్లు, పెద్దల పేరులో మార్పులు, బిసినెస్ నేమ్స్), సైంటిఫిక్ వాస్తు,ప్రాణిక్ హీలింగ్, జాతక సంబంధ పరిష్కారాలకు(వివాహం, ఉద్యోగం, విదేశీ యానం,గృహం, సంబంధ భా౦దవ్యాలు,శత్రునాశనం,కోర్ట్ కేసు లు ,ఆర్దికలావాదేవీలు,etc), పూజలు,హోమాలు,వివాహ౦,దేవాలయ ప్రతిష్ట, గృహ ప్రవేశ౦ శాంతి పూజలు సర్వీసెస్ కొరకు, ఆధ్యాత్మిక వస్తువుల కొరకు సంప్రదించండి.

follow us :

plz like , share , follow and subscribe

facebook page

https://www.facebook.com/vidhathaastornumerology/?view_public_for=1712439968969888

YouTube 

https://www.youtube.com/channel/UCuppmXZZ8x1HI5rrVbCoJsw

Printerest

https://in.pinterest.com/vastronumerology/sree-vidhatha-peetam/

Twitter

https://twitter.com/VidhathaAstrolo

Instagram

https://www.instagram.com/sreevidhathapeetam/

Blog

https://vidhaathaastronumerology.blogspot.com/

జ్యోతిష రత్న, జ్యోతిష రత్నాకర, వాస్తు విశారద

HAVANIJAAA

(M.A (Astro), M.A.(Telugu) , M.A.(English), M.A( Sanskrit), MSW, LLB)

శ్రీ విధాత పీఠం

Ph. no: 9666602371