శ్రీ దుర్గా అష్టోత్తర శతనామ స్తోత్రం

దుర్గా శివా మహాలక్ష్మీ-ర్మహాగౌరీ చ చణ్డికా |

సర్వఙ్ఞా సర్వలోకేశీ సర్వకర్మఫలప్రదా || ౧ ||

సర్వతీర్థమయీ పుణ్యా దేవయోని-రయోనిజా |

భూమిజా నిర్గుణాధారశక్తిశ్చానీశ్వరీ తథా || ౨ ||

నిర్గుణా నిరహఙ్కారా సర్వగర్వవిమర్దినీ |

సర్వలోకప్రియా వాణీ సర్వవిద్యాధిదేవతా || ౩ ||

పార్వతీ దేవమాతా చ వనీశా విన్ధ్యవాసినీ |

తేజోవతీ మహామాతా కోటిసూర్యసమప్రభా || ౪ ||

దేవతా వహ్నిరూపా చ సరోజా వర్ణరూపిణీ |

గుణాశ్రయా గుణమధ్యా గుణత్రయవివర్జితా || ౫ ||

కర్మఙ్ఞానప్రదా కాన్తా సర్వసంహారకారిణీ |

ధర్మఙ్ఞానా ధర్మనిష్టా సర్వకర్మవివర్జితా || ౬ ||

కామాక్షీ కామసంహర్త్రీ కామక్రోధవివర్జితా |

శాఙ్కరీ శామ్భవీ శాన్తా చన్ద్రసూర్యాగ్నిలోచనా || ౭ ||

సుజయా జయభూమిష్ఠా జాహ్నవీ జనపూజితా |

శాస్త్రా శాస్త్రమయా నిత్యా శుభా చన్ద్రార్ధమస్తకా || ౮ ||

భారతీ భ్రామరీ కల్పా కరాళీ కృష్ణపిఙ్గళా |

బ్రాహ్మీ నారాయణీ రౌద్రీ చన్ద్రామృతపరివృతా || ౯ ||

జ్యేష్ఠేన్దిరా మహామాయా జగత్సృష్ట్యాధికారిణీ |

బ్రహ్మాణ్డకోటిసంస్థానా కామినీ కమలాలయా || ౧౦ ||

కాత్యాయనీ కలాతీతా కాలసంహారకారిణీ |

 యోగనిష్ఠా యోగగమ్యా యోగధ్యేయా తపస్వినీ || ౧౧ ||

ఙ్ఞానరూపా నిరాకారా భక్తాభీష్టఫలప్రదా |

 భూతాత్మికా భూతమాతా భూతేశా భూతధారిణీ || ౧౨ ||

స్వధానారీమధ్యగతా షడాధారాదివర్ధినీ |

మోహితాంశుభవా శుభ్రా సూక్ష్మా మాత్రా నిరాలసా || ౧౩ ||

నిమ్నగా నీలసఙ్కాశా నిత్యానన్దా హరా పరా |

సర్వఙ్ఞానప్రదానన్దా సత్యా దుర్లభరూపిణీ || ౧౪ ||

సరస్వతీ సర్వగతా సర్వాభీష్టప్రదాయినీ |

ఇతి శ్రీదుర్గాష్టోత్తర శతనామస్తోత్రం సమ్పూర్ణమ్ ||