విష్ణుమూర్తి యొక్క దశావతారములు - దశావతారస్తోత్రమ్

DASHAVATARA OF LORD VISHNU
 విష్ణుమూర్తి యొక్క దశావతారములు

1. Matsya (Fish)
A SatyaYuga Avatar
2. Kurma (Tortoise)
A SatyaYuga Avatar
3. Varaha (Boar)
A SatyaYuga Avatar
4. Narasimha ( half-man/half-lion)
A SatyaYuga Avatar
5. Vamana (Dwarf)
A Treta yuga Avatar
6. Parashurama
A Treta yuga Avatar
7. Rama
A Treta yuga Avatar
8. Krishna
A DwaparaYuga Avatar
9. Buddha (Gautama Buddha)
A KaliYuga Avatar
10. Kalki (destroyer of darkness)
A KaliYuga Avatar

 ॥ దశావతారస్తోత్రమ్ ॥

నమోఽస్తు నారాయణమన్దిరాయ నమోఽస్తు హారాయణకన్ధరాయ ।
నమోఽస్తు మత్స్యాయ లయాబ్ధిగాయ నమోఽస్తు కూర్మాయ పయోబ్ధిగాయ ।
నమో వరాహాయ ధరాధరాయ నమో నృసింహాయ పరాత్పరాయ ॥ ౨॥

నమోఽస్తు శక్రాశ్రయ-వామనాయ నమోఽస్తు విప్రోత్సవ-భార్గవాయ ।
నమోఽస్తు సీతాహిత-రాఘవాయ నమోఽస్తు  పార్థస్తుత-యాదవాయ ॥ ౩॥

నమోఽస్తు బుద్ధాయ విమోహకాయ నమోఽస్తు తే కల్కి-పయోదితాయ ।
నమోఽస్తు పూర్ణామితసద్గుణాయ సమస్త-నాథాయ హయాననాయ ॥ ౪॥

కరస్థ-శఙ్ఖోల్లస-దక్షమాలా-ప్రబోధ-ముద్రాభయ-పుస్తకాయ ।
నమోఽస్తు వక్త్రోద్గిర-దాగమాయ నిరస్త హేయాయ హయాననాయ ॥ ౫॥

రమాసమాకార-చతుష్టయేన క్రమాచ్చతుర్దిక్షు నిషేవితాయ ।
నమోఽస్తు పార్శ్వద్వయగ-ద్విరూపశ్రియాభిషిక్తాయ హయాననాయ ॥ ౬॥

కిరీట-పట్టాఙ్గద-హార-కాఞ్చీ-సురత్నపీతాంబర-నూపురాద్యైః ।
విరాజితాఙ్గాయ నమోఽస్తు తుభ్యం సురైః పరీతాయ హయాననాయ ॥ ౭॥

విదోష-కోటీన్దు-నిభప్రభాయ విశేషతో మధ్వ-ముని-ప్రియాయ।
విముక్తవన్ద్యాయ నమోఽస్తు విశ్వగ్విధూత-విఘ్నాయ హయాననాయ ॥౮॥

నమోఽస్తు శిష్టేష్టద వాదిరాజకృతాష్టకాభిష్టుత-చేష్టితాయ ।
దసావతారై-స్త్రిదసార్థదాయ నిశేశ-బింబస్థ హయాననాయ ॥ ౯॥

నమోఽస్తు పారాయణచర్చితాయ నమోఽస్తు నారాయణ్ తేఽర్చితాయ ॥ ౧॥

॥ ఇతి వాదిరాజపూజ్యచరణ-విరచితం దశావతారస్తోత్రం సమ్పూర్ణమ్ ॥

॥ దశావతార హరిగాథా ॥

ప్రలయోదన్వదుదీర్ణ-జలవిహారా-నివిశాఙ్గమ్ ।
కమలాకాన్త-మణ్డిత-విభవాబ్ధిం హరిమీడే ॥ ౧॥

చరమాఙ్గోద్ధ్ఱ్౬ఇత-మన్దరతటినం కూర్మశరీరమ్ ।
కమలాకాన్త-మణ్డిత-విభవాబ్ధిం హరిమీడే ॥ ౨॥

సిత-దంష్ట్రోద్ధృత-కాశ్యపతనయమ్ సూకరరూపమ్ ।
కమలాకాన్త-మణ్డిత-విభవాబ్ధిం హరిమీడే ॥ ౩॥

నిశిత-ప్రాగ్ర-నఖేన జిత-సురారిం నరసింహమ్ ।
కమలాకాన్త-మణ్డిత-విభవాబ్ధిం హరిమీడే ॥ ౪॥

త్రిపద-వ్యాప్త-చతుర్దశ-భువనం వామనరూపమ్ ।
కమలాకాన్త-మణ్డిత-విభవాబ్ధిం హరిమీడే ॥ ౫॥

క్షపిత-క్షత్రియవంశ-నగధరం భార్గవరామమ్ ।
కమలాకాన్త-మణ్డిత-విభవాబ్ధిం హరిమీడే ॥ ౬॥

దయితాచోర-నిబర్హణ-నిపుణం రాఘవరామమ్ ।
కమలాకాన్త-మణ్డిత-విభవాబ్ధిం హరిమీడే ॥ ౭॥

మురలీ-నిస్వన-మోహితవనితం యాదవకృష్ణమ్ ।
కమలాకాన్త-మణ్డిత-విభవాబ్ధిం హరిమీడే ॥ ౮॥

పటుచాటికృత-నిస్ఫుట-జననం శ్రీఘనసంజ్ఞమ్ ।
కమలాకాన్త-మణ్డిత-విభవాబ్ధిం హరిమీడే ॥ ౯॥

పరినిర్మూలిత-దుష్టజన-కులం విష్ణుయశోజమ్ ।
కమలాకాన్త-మణ్డిత-విభవాబ్ధిం హరిమీడే ॥ ౧౦॥

అకృతేమాం విజయధ్వజవరతీర్థో హరిగాథామ్ ।
అయతే ప్రీతిమలం సపది యయా శ్రీరమణోయమ్ ॥ ౧౧॥

॥ ఇతి శ్రీ విజయధ్వజతీర్థకృతా దశావతారహరిగాథా సమాప్తా॥

 ॥ దశావతారస్తోత్రమ్ ౨ ॥

యస్యాలీయత శల్కసీమ్ని జలధిః పృష్ఠే జగన్మణ్డలం
దంష్ట్రాయాం ధరణీ నఖే దితిసుతాధీశః పదే రోదసీ ।
క్రోధే క్షత్రగణః శరేదశముఖః పాణౌ ప్రలమ్బాసురో
ధ్యానే విశ్వమసావధార్మికకులం కస్మైచిదస్మై నమః ॥౧॥

వేదా యేన సముద్ధతా వసుమతీ పృష్ఠే ధృతాప్యుద్ధృతా
దైత్యేశో నఖరైర్హతః ఫణిపతేర్లౌకమ్ వలిఃప్రాపితః । 
క్ష్మాఽక్షత్రా జగతీ దశాస్యరహితా మాతా కృతా రోహిణీ
హింసా దోషవతీ ధరాప్యయవనా పాయాత్స నారాయణః ॥౨॥

॥ ఇతి దశావతారస్తోత్రమ్ ॥

॥ ద్వాదశస్తోత్రాణి శ్రీమధ్వకృత ॥

 ॥ ద్వాదశ స్తోత్రాణి॥
అథ ప్రథమస్తోత్రమ్
వన్దే వన్ద్యం సదానన్దం వాసుదేవం నిరఞ్జనమ్ ।
ఇన్దిరాపతిమాద్యాది వరదేశ వరప్రదమ్ ॥ ౧॥

నమామి నిఖిలాధీశ కిరీటాఘృష్టపీఠవత్ ।
హృత్తమః శమనేఽర్కాభం శ్రీపతేః పాదపఙ్కజమ్ ॥ ౨॥

జామ్బూనదామ్బరాధారం నితమ్బం చిన్త్యమీశితుః ।
స్వర్ణమఞ్జీరసంవీతం ఆరూఢం జగదమ్బయా ॥ ౩॥

ఉదరం చిన్త్యం ఈశస్య తనుత్వేఽపి అఖిలమ్భరం ।
వలిత్రయాఙ్కితం నిత్యం ఆరూఢం శ్రియైకయా ॥ ౪॥

స్మరణీయమురో విష్ణోః ఇన్దిరావాసముత్తమైః । var 
ఇన్దిరావాసమీశితుః ఇన్దిరావాసముత్తమమ్
అనన్తం అన్తవదివ భుజయోరన్తరఙ్గతమ్ ॥ ౫॥

శఙ్ఖచక్రగదాపద్మధరాశ్చిన్త్యా హరేర్భుజాః ।
పీనవృత్తా జగద్రక్షా కేవలోద్యోగినోఽనిశమ్ ॥ ౬॥

సన్తతం చిన్తయేత్కణ్ఠం భాస్వత్కౌస్తుభభాసకమ్ ।
వైకుణ్ఠస్యాఖిలా వేదా ఉద్గీర్యన్తేఽనిశం యతః ॥ ౭॥

స్మరేత యామినీనాథ సహస్రామితకాన్తిమత్ ।
భవతాపాపనోదీడ్యం శ్రీపతేః ముఖపఙ్కజమ్ ॥ ౮॥

పూర్ణానన్యసుఖోద్భాసిం అన్దస్మితమధీశితుః ।
గోవిన్దస్య సదా చిన్త్యం నిత్యానన్దపదప్రదమ్ ॥ ౯॥

స్మరామి భవసన్తాప హానిదామృతసాగరమ్ ।
పూర్ణానన్దస్య రామస్య సానురాగావలోకనమ్ ॥ ౧౦॥

ధ్యాయేదజస్రమీశస్య పద్మజాదిప్రతీక్షితమ్ ।
భ్రూభఙ్గం పారమేష్ఠ్యాది పదదాయి విముక్తిదమ్ ॥ ౧౧॥

సన్తతం చిన్తయేఽనన్తం అన్తకాలే var   అన్త్యకాలే విశేషతః ।
నైవోదాపుః గృణన్తోఽన్తం యద్గుణానాం అజాదయః ॥ ౧౨॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు ప్రథమస్తోత్రం సమ్పూర్ణమ్



అథ ద్వితీయస్తోత్రమ్
స్వజనోదధిసంవృద్ధి పూర్ణచన్ద్రో గుణార్ణవః ।var  సుజనోదధిసంవృద్ధి
అమన్దానన్ద సాన్ద్రో నః సదావ్యాదిన్దిరాపతిః ॥ ౧॥ var  ప్రీయాతామిన్దిరాపతిః
రమాచకోరీవిధవే దుష్టదర్పోదవహ్నయే (దుష్టసర్పోదవహ్నయే) ।
సత్పాన్థజనగేహాయ నమో నారాయణాయ తే ॥ ౨॥

చిదచిద్భేదం అఖిలం విధాయాధాయ భుఞ్జతే ।
అవ్యాకృతగుహస్థాయ రమాప్రణయినే నమః ॥ ౩॥

అమన్దగుణసారోఽపి మన్దహాసేన వీక్షితః ।
నిత్యమిన్దిరయాఽనన్దసాన్ద్రో యో నౌమి తం హరిమ్ ॥ ౪॥

వశీ వశో (వశే) న కస్యాపి యోఽజితో విజితాఖిలః ।
సర్వకర్తా న క్రియతే తం నమామి రమాపతిమ్ ॥ ౫॥

అగుణాయగుణోద్రేక స్వరూపాయాదికారిణే ।
విదారితారిసఙ్ఘాయ వాసుదేవాయ తే నమః ॥ ౬॥

ఆదిదేవాయ దేవానాం పతయే సాదితారయే ।
అనాద్యజ్ఞానపారాయ నమః పారావరాశ్రయ ॥ ౭॥ var  నమో వరవరాయ తే
అజాయ జనయిత్రేఽస్య విజితాఖిలదానవ ।
అజాది పూజ్యపాదాయ నమస్తే గరుడధ్వజ ॥ ౮॥

ఇన్దిరామన్దసాన్ద్రాగ్ర్య కటాక్షప్రేక్షితాత్మనే ।
అస్మదిష్టైక కార్యాయ పూర్ణాయ హరయే నమః ॥ ౯॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు ద్వితీయస్తోత్రం సమ్పూర్ణమ్



అథ తృతీయస్తోత్రమ్
కురు భుఙ్క్ష్వ చ కర్మ నిజం నియతం హరిపాదవినమ్రధియా సతతం ।
హరిరేవ పరో హరిరేవ గురుః హరిరేవ జగత్పితృమాతృగతిః ॥ ౧॥

న తతోఽస్త్యపరం జగదీడ్యతమం (జగతీడ్యతమం) పరమాత్పరతః పురుషోత్తమతః ।
తదలం బహులోకవిచిన్తనయా ప్రవణం కురు మానసమీశపదే ॥ ౨॥

యతతోఽపి హరేః పదసంస్మరణే సకలం హ్యఘమాశు లయం వ్రజతి ।
స్మరతస్తు విముక్తిపదం పరమం స్ఫుటమేష్యతి తత్కిమపాక్రియతే ॥ ౩॥

శృణుతామలసత్యవచః పరమం శపథేరితం ఉచ్ఛ్రితబాహుయుగం ।
న హరేః పరమో న హరేః సదృశః పరమః స తు సర్వ చిదాత్మగణాత్ ॥ ౪॥

యది నామ పరో న భవేత (భవేత్స) హరిః కథమస్య వశే జగదేతదభూత్ ।
యది నామ న తస్య వశే సకలం కథమేవ తు నిత్యసుఖం న భవేత్ ॥ ౫॥

న చ కర్మవిమామల కాలగుణప్రభృతీశమచిత్తను తద్ధి యతః ।
చిదచిత్తను సర్వమసౌ తు హరిర్యమయేదితి వైదికమస్తి వచః ॥ ౬॥

వ్యవహారభిదాఽపి గురోర్జగతాం న తు చిత్తగతా స హి చోద్యపరమ్ ।
బహవః పురుషాః పురుషప్రవరో హరిరిత్యవదత్స్వయమేవ హరిః ॥ ౭॥

చతురానన పూర్వవిముక్తగణా హరిమేత్య తు పూర్వవదేవ సదా ।
నియతోచ్చవినీచతయైవ నిజాం స్థితిమాపురితి స్మ పరం వచనమ్ ॥ ౮॥

ఆనన్దతీర్థసన్నామ్నా పూర్ణప్రజ్ఞాభిధాయుజా ।
కృతం హర్యష్టకం భక్త్యా పఠతః ప్రీయతే హరిః ॥ ౯॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు తృతీయస్తోత్రం సమ్పూర్ణమ్



అథ చతుర్థస్తోత్రమ్
నిజపూర్ణసుఖామితబోధతనుః పరశక్తిరనన్తగుణః పరమః ।
అజరామరణః సకలార్తిహరః కమలాపతిరీడ్యతమోఽవతు నః ॥ ౧॥

యదసుప్తిగతోఽపి హరిః సుఖవాన్ సుఖరూపిణమాహురతో నిగమాః ।
స్వమతిప్రభవం జగదస్య యతః పరబోధతనుం చ తతః ఖపతిమ్ ॥ ౨॥  var  సుమతిప్రభవమ్
బహుచిత్రజగత్ బహుధాకరణాత్పరశక్తిరనన్తగుణః పరమః ।
సుఖరూపమముష్యపదం పరమం స్మరతస్తు భవిష్యతి తత్సతతమ్ ॥ ౩॥

స్మరణే హి పరేశితురస్య విభోర్మలినాని మనాంసి కుతః కరణమ్ ।
విమలం హి పదం పరమం స్వరతం తరుణార్కసవర్ణమజస్య హరేః ॥ ౪॥

విమలైః శ్రుతిశాణనిశాతతమైః సుమనోఽసిభిరాశు నిహత్య దృఢమ్ ।
బలినం నిజవైరిణమాత్మతమోభిదమీశమనన్తముపాస్వ హరిమ్ ॥ ౫॥

న హి విశ్వసృజో విభుశమ్భుపురన్దర సూర్యముఖానపరానపరాన్ ।
సృజతీడ్యతమోఽవతి హన్తి నిజం పదమాపయతి ప్రణతాం స్వధియా ॥ ౬॥

పరమోఽపి రమేశితురస్య సమో న హి కశ్చిదభూన్న భవిష్యతి చ ।
క్వచిదద్యతనోఽపి న పూర్ణసదాగణితేడ్యగుణానుభవైకతనోః ॥ ౭॥

ఇతి దేవవరస్య హరేః స్తవనం కృతవాన్ మునిరుత్తమమాదరతః ।
సుఖతీర్థపదాభిహితః పఠతస్తదిదం భవతి ధ్రువముచ్చసుఖమ్ ॥ ౮॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు చతుర్థస్తోత్రం సమ్పూర్ణమ్



అథ పఞ్చమస్తోత్రమ్
వాసుదేవాపరిమేయసుధామన్ శుద్ధసదోదిత సున్దరీకాన్త ।
ధరాధరధారణ వేధురధర్తః సౌధృతిదీధితివేధృవిధాతః ॥ ౧॥

అధికబన్ధం రన్ధయ బోధా చ్ఛిన్ధిపిధానం బన్ధురమద్ధా ।
కేశవ కేశవ శాసక వన్దే పాశధరార్చిత శూరపరేశ (శూరవరేశ) ॥ ౨॥

నారాయణామలతారణ (కారణ) వన్దే కారణకారణ పూర్ణ వరేణ్య ।
మాధవ మాధవ సాధక వన్దే బాధక బోధక శుద్ధ సమాధే ॥ ౩॥

గోవిన్ద గోవిన్ద పురన్దర వన్దే స్కన్ద సనన్దన వన్దిత పాద ।
విష్ణు సృజిష్ణు గ్రసిష్ణు వివన్దే కృష్ణ సదుష్ణ వధిష్ణ సుధృష్ణో ॥ ౪॥

 var  విష్ణో సృజిష్ణో గ్రసిష్ణో వివన్దే కృష్ణ సదుష్ణవధిష్ణో సుధృష్ణో
మధుసూదన దానవసాదన వన్దే దైవతమోదన (దైవతమోదిత) వేదిత పాద ।
త్రివిక్రమ నిష్క్రమ విక్రమ వన్దే సుక్రమ సఙ్క్రమహుఙ్కృతవక్త్ర ॥ ౫॥  var  సఙ్క్రమ సుక్రమ హుఙ్కృతవక్త్ర
వామన వామన భామన వన్దే సామన సీమన సామన సానో ।
శ్రీధర శ్రీధర శన్ధర వన్దే భూధర వార్ధర కన్ధరధారిన్ ॥ ౬॥

హృషీకేశ సుకేశ పరేశ వివన్దే శరణేశ కలేశ బలేశ సుఖేశ ।
పద్మనాభ శుభోద్భవ వన్దే సమ్భృతలోకభరాభర భూరే ।
దామోదర దూరతరాన్తర వన్దే దారితపారక పార (దారితపారగపార) పరస్మాత్ ॥ ౭॥

ఆనన్దసుతీర్థ మునీన్ద్రకృతా హరిగీతిరియం పరమాదరతః ।
పరలోకవిలోకన సూర్యనిభా హరిభక్తి వివర్ధన శౌణ్డతమా ॥ ౮॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు పఞ్చమస్తోత్రం సమ్పూర్ణమ్



అథ షష్ఠస్తోత్రమ్
మత్స్యకరూప లయోదవిహారిన్ వేదవినేత్ర చతుర్ముఖవన్ద్య ।
కూర్మస్వరూపక మన్దరధారిన్ లోకవిధారక దేవవరేణ్య ॥ ౧॥

సూకరరూపక దానవశత్రో భూమివిధారక యజ్ఞావరాఙ్గ ।
దేవ నృసింహ హిరణ్యకశత్రో సర్వ భయాన్తక దైవతబన్ధో ॥ ౨॥

వామన వామన మాణవవేష దైత్యవరాన్తక కారణరూప ।
రామ భృగూద్వహ సూర్జితదీప్తే క్షత్రకులాన్తక శమ్భువరేణ్య ॥ ౩॥

రాఘవ రాఘవ రాక్షస శత్రో మారుతివల్లభ జానకికాన్త ।
దేవకినన్దన నన్దకుమార వృన్దావనాఞ్చన గోకులచన్ద్ర ॥ ౪॥

కన్దఫలాశన సున్దరరూప నన్దితగోకులవన్దితపాద ।
ఇన్ద్రసుతావక నన్దకహస్త చన్దనచర్చిత సున్దరినాథ ॥ ౫॥

ఇన్దీవరోదర దళనయన మన్దరధారిన్ గోవిన్ద వన్దే ।
చన్ద్రశతానన కున్దసుహాస నన్దితదైవతానన్దసుపూర్ణ ॥ ౬॥

దేవకినన్దన సున్దరరూప రుక్మిణివల్లభ పాణ్డవబన్ధో ।
దైత్యవిమోహక నిత్యసుఖాదే దేవవిబోధక బుద్ధస్వరూప ॥ ౭॥

దుష్టకులాన్తక కల్కిస్వరూప ధర్మవివర్ధన మూలయుగాదే ।
నారాయణామలకారణమూర్తే పూర్ణగుణార్ణవ నిత్యసుబోధ ॥ ౮॥

ఆనన్దతీర్థకృతా హరిగాథా పాపహరా శుభనిత్యసుఖార్థా ॥ ౯॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు షష్ఠస్తోత్రం సమ్పూర్ణమ్



అథ సప్తమస్తోత్రమ్
విశ్వస్థితిప్రళయసర్గమహావిభూతి వృత్తిప్రకాశనియమావృతి బన్ధమోక్షాః ।
యస్యా అపాఙ్గలవమాత్రత ఊర్జితా సా శ్రీః యత్కటాక్షబలవత్యజితం నమామి ॥ ౧॥

బ్రహ్మేశశక్రరవిధర్మశశాఙ్కపూర్వ గీర్వాణసన్తతిరియం యదపాఙ్గలేశమ్ ।
ఆశ్రిత్య విశ్వవిజయం విసృజత్యచిన్త్యా శ్రీః యత్కటాక్షబలవత్యజితం నమామి ॥ ౨॥

ధర్మార్థకామసుమతిప్రచయాద్యశేషసన్మఙ్గలం విదధతే యదపాఙ్గలేశమ్ ।
ఆశ్రిత్య తత్ప్రణతసత్ప్రణతా అపీడ్యా శ్రీః యత్కటాక్షబలవతి అజితం నమామి ॥ ౩॥

షడ్వర్గనిగ్రహనిరస్తసమస్తదోషా ధ్యాయన్తి విష్ణుమృషయో యదపాఙ్గలేశమ్ ।
ఆశ్రిత్య యానపి సమేత్య న యాతి దుఃఖం శ్రీః యత్కటాక్షబలవతి అజితం నమామి ॥ ౪॥

శేషాహివైరిశివశక్రమనుప్రధాన చిత్రోరుకర్మరచనం యదపాఙ్గలేశమ్ ।
ఆశ్రిత్య విశ్వమఖిలం విదధాతి ధాతా శ్రీః యత్కటాక్షబలవతి అజితం నమామి ॥ ౫॥

శక్రోగ్రదీధితిహిమాకరసూర్యసూను పూర్వం నిహత్య నిఖిలం యదపాఙ్గలేశమ్ ।
ఆశ్రిత్య నృత్యతి శివః ప్రకటోరుశక్తిః శ్రీః యత్కటాక్ష బలవతి అజితం నమామి ॥ ౬॥

తత్పాదపఙ్కజమహాసనతామవాప శర్వాదివన్ద్యచరణో యదపాఙ్గలేశమ్ ।
ఆశ్రిత్య నాగపతిః అన్యసురైర్దురాపాం శ్రీః యత్కటాక్షబలవతి అజితం నమామి ॥ ౭॥

నాగారిరుగ్రబలపౌరుష ఆప విష్ణువాహత్వముత్తమజవో యదపాఙ్గలేశమ్ ।  var 
విష్ణోర్వాహ
ఆశ్రిత్య శక్రముఖదేవగణైః అచిన్త్యం శ్రీః యత్కటాక్ష బలవతి అజితం నమామి ॥ ౮॥

ఆనన్దతీర్థమునిసన్ముఖపఙ్కజోత్థం సాక్షాద్రమాహరిమనః ప్రియం ఉత్తమార్థమ్ ।
భక్త్యా పఠతి అజితమాత్మని సన్నిధాయ యః స్తోత్రమేతభియాతి తయోరభీష్టమ్ ॥ ౯॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు సప్తమస్తోత్రం సమ్పూర్ణమ్



అథ అష్టమస్తోత్రమ్
వన్దితాశేషవన్ద్యోరువృన్దారకం చన్దనాచర్చితోదారపీనాంసకమ్ ।
ఇన్దిరాచఞ్చలాపాఙ్గనీరాజితం మన్దరోద్ధారివృత్తోద్భుజాభోగినమ్ ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౧॥

సృష్టిసంహారలీలావిలాసాతతం పుష్టషాడ్గుణ్యసద్విగ్రహోల్లాసినమ్ ।
దుష్టనిఃశేషసంహారకర్మోద్యతం హృష్టపుష్టాతిశిష్ట (అనుశిష్ట) ప్రజాసంశ్రయమ్ ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౨॥

ఉన్నతప్రార్థితాశేషసంసాధకం సన్నతాలౌకికానన్దదశ్రీపదమ్ ।
భిన్నకర్మాశయప్రాణిసమ్ప్రేరకం తన్న కిం నేతి విద్వత్సు మీమాంసితమ్ ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౩॥

విప్రముఖ్యైః సదా వేదవాదోన్ముఖైః సుప్రతాపైః క్షితీశేశ్వరైశ్చార్చ్చితమ్ ।
అప్రతర్క్యోరుసంవిద్గుణం నిర్మలం సప్రకాశాజరానన్దరూపం పరమ్ ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౪॥

అత్యయో యస్య (యేన) కేనాపి న క్వాపి హి ప్రత్యయో యద్గుణేషూత్తమానాం పరః ।
సత్యసఙ్కల్ప ఏకో వరేణ్యో వశీ మత్యనూనైః సదా వేదవాదోదితః ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౫॥

పశ్యతాం దుఃఖసన్తాననిర్మూలనం దృశ్యతాం దృశ్యతామిత్యజేశార్చితమ్ ।
నశ్యతాం దూరగం సర్వదాప్యాఽత్మగం వశ్యతాం స్వేచ్ఛయా సజ్జనేష్వాగతమ్ ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౬॥

అగ్రజం యః ససర్జాజమగ్ర్యాకృతిం విగ్రహో యస్య సర్వే గుణా ఏవ హి ।
ఉగ్ర ఆద్యోఽపి యస్యాత్మజాగ్ర్యాత్మజః సద్గృహీతః సదా యః పరం దైవతమ్ ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౭॥

అచ్యుతో యో గుణైర్నిత్యమేవాఖిలైః ప్రచ్యుతోఽశేషదోషైః సదా పూర్తితః ।
ఉచ్యతే సర్వవేదోరువాదైరజః స్వర్చితో బ్రహ్మరుద్రేన్ద్రపూర్వైః సదా ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౮॥

ధార్యతే యేన విశ్వం సదాజాదికం వార్యతేఽశేషదుఃఖం నిజధ్యాయినామ్ ।
పార్యతే సర్వమన్యైర్నయత్పార్యతే కార్యతే చాఖిలం సర్వభూతైః సదా ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౯॥

సర్వపాపానియత్సంస్మృతేః సఙ్క్షయం సర్వదా యాన్తి భక్త్యా విశుద్ధాత్మనామ్ ।
శర్వగుర్వాదిగీర్వాణ సంస్థానదః కుర్వతే కర్మ యత్ప్రీతయే సజ్జనాః ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౧౦॥

అక్షయం కర్మ యస్మిన్ పరే స్వర్పితం ప్రక్షయం యాన్తి దుఃఖాని యన్నామతః ।
అక్షరో యోఽజరః సర్వదైవామృతః కుక్షిగం యస్య విశ్వం సదాఽజాదికమ్ ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౧౧॥

నన్దితీర్థోరుసన్నామినో నన్దినః సన్దధానాః సదానన్దదేవే మతిమ్ ।
మన్దహాసారుణా పాఙ్గదత్తోన్నతిం వన్దితాశేషదేవాదివృన్దం సదా ।
ప్రీణయామో వాసుదేవం దేవతామణ్డలాఖణ్డమణ్డనం ప్రీణయామో వాసుదేవమ్ ॥ ౧౨॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు అష్టమస్తోత్రం సమ్పూర్ణమ్



అథ నవమస్తోత్రమ్
అతిమతతమోగిరిసమితివిభేదన పితామహభూతిద గుణగణనిలయ ।
శుభతమ కథాశయ పరమసదోదిత జగదేకకారణ రామరమారమణ ॥ ౧॥

విధిభవముఖసురసతతసువన్దితరమామనోవల్లభ భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౨॥

అగణితగుణగణమయశరీర హే విగతగుణేతర భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౩॥

అపరిమితసుఖనిధివిమలసుదేహ హే విగత సుఖేతర భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౪॥

ప్రచలితలయజలవిహరణ శాశ్వతసుఖమయమీన హే భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౫॥

సురదితిజసుబలవిలుళితమన్దరధర పర కూర్మ హే భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౬॥

సగిరివరధరాతళవహ సుసూకరపరమవిబోధ హే భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౭॥

అతిబలదితిసుత హృదయ విభేదన జయనృహరేఽమల భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౮॥

బలిముఖదితిసుతవిజయవినాశన జగదవనాజిత భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౯॥

అవిజితకునృపతిసమితివిఖణ్డన రమావర వీరప భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౧౦॥

ఖరతరనిశిచరదహన పరామృత రఘువర మానద భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౧౧॥

సులలితతనువర వరద మహాబల యదువర పార్థప భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౧౨॥

దితిసుతవిమోహన విమలవిబోధన పరగుణబుద్ధ హే భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౧౩॥

కలిమలహుతవహ సుభగ మహోత్సవ శరణద కల్కీశ భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౧౪॥

అఖిలజనివిలయ పరసుఖకారణ పరపురుషోత్తమ భవ మమ శరణమ్ ।
శుభతమ కథాశయ పరమసదోదిత జగదేకకారణ రామరమారమణ ॥ ౧౫॥

ఇతి తవ నుతివరసతతరతేర్భవ సుశరణమురుసుఖతీర్థమునేః భగవన్ ।
శుభతమ కథాశయ పరమసదోదిత జగదేకకారణ రామరమారమణ ॥ ౧౬॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు నవమస్తోత్రం సమ్పూర్ణమ్



అథ దశమస్తోత్రమ్
అవ నః శ్రీపతిరప్రతిరధికేశాదిభవాదే ।
కరుణాపూర్ణవరప్రదచరితం జ్ఞాపయ మే తే ॥ ౧॥

సురవన్ద్యాధిప సద్వరభరితాశేషగుణాలమ్ ।
కరుణాపూర్ణవరప్రదచరితం జ్ఞాపయ మే తే ॥ ౨॥

సకలధ్వాన్తవినాశన (వినాశక) పరమానన్దసుధాహో ।
కరుణాపూర్ణవరప్రదచరితం జ్ఞాపయ మే తే ॥ ౩॥

త్రిజగత్పోత సదార్చితచరణాశాపతిధాతో ।
కరుణాపూర్ణవరప్రదచరితం జ్ఞాపయ మే తే ॥ ౪॥

త్రిగుణాతీతవిధారక పరితో దేహి సుభక్తిమ్ ।
కరుణాపూర్ణవరప్రదచరితం జ్ఞాపయ మే తే ॥ ౫॥

శరణం కారణభావన భవ మే తాత సదాఽలమ్ ।
కరుణాపూర్ణవరప్రదచరితం జ్ఞాపయ మే తే ॥ ౬॥

మరణప్రాణద పాలక జగదీశావ సుభక్తిమ్ ।
కరుణాపూర్ణవరప్రదచరితం జ్ఞాపయ మే తే ॥ ౭॥

తరుణాదిత్యసవర్ణకచరణాబ్జామల కీర్తే ।
కరుణాపూర్ణవరప్రదచరితం జ్ఞాపయ మే తే ॥ ౮॥

సలిలప్రోత్థసరాగకమణివర్ణోచ్చనఖాదే ।
కరుణాపూర్ణవరప్రదచరితం జ్ఞాపయ మే తే ॥ ౯॥

కజ (ఖజ) తూణీనిభపావనవరజఙ్ఘామితశక్తే ।
కరుణాపూర్ణవరప్రదచరితం జ్ఞాపయ మే తే ॥ ౧౦॥

ఇబహస్తప్రభశోభనపరమోరుస్థరమాళే ।
కరుణాపూర్ణవరప్రదచరితం జ్ఞాపయ మే తే ॥ ౧౧॥

అసనోత్ఫుల్లసుపుష్పకసమవర్ణావరణాన్తే ।
కరుణాపూర్ణవరప్రదచరితం జ్ఞాపయ మే తే ॥ ౧౨॥

శతమోదోద్భవసున్దరివరపద్మోత్థితనాభే ।
కరుణాపూర్ణవరప్రదచరితం జ్ఞాపయ మే తే ॥ ౧౩॥

జగదాగూహకపల్లవసమకుక్షే శరణాదే ।
కరుణాపూర్ణవరప్రదచరితం జ్ఞాపయ మే తే ॥ ౧౪॥

జగదమ్బామలసున్దరిగృహవక్షోవర యోగిన్ ।
కరుణాపూర్ణవరప్రదచరితం జ్ఞాపయ మే తే ॥ ౧౫॥

దితిజాన్తప్రద చక్రధరగదాయుగ్వరబాహో ।
కరుణాపూర్ణవరప్రదచరితం జ్ఞాపయ మే తే ॥ ౧౬॥

పరమజ్ఞానమహానిధివదన శ్రీరమణేన్దో ।
కరుణాపూర్ణవరప్రదచరితం జ్ఞాపయ మే తే ॥ ౧౭॥

నిఖిలాఘౌఘవినాశన (వినాశక) పరసౌఖ్యప్రదదృష్టే ।
కరుణాపూర్ణవరప్రదచరితం జ్ఞాపయ మే తే ॥ ౧౮॥

పరమానన్దసుతీర్థసుమునిరాజో హరిగాథామ్ ।
కృతవాన్నిత్యసుపూర్ణకపరమానన్దపదైషిన్ ॥ ౧౯॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు దశమస్తోత్రం సమ్పూర్ణమ్



అథ ఏకాదశస్తోత్రమ్
ఉదీర్ణమజరం దివ్యం అమృతస్యన్ద్యధీశితుః ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౧॥

సర్వవేదపదోద్గీతం ఇన్దిరావాసముత్తమమ్ (ఇన్దిరాధారముత్తమమ్) ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౨॥

సర్వదేవాదిదేవస్య విదారితమహత్తమః ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౩॥

ఉదారమాదరాన్నిత్యం అనిన్ద్యం సున్దరీపతేః ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౪॥

ఇన్దీవరోదరనిభం సుపూర్ణం వాదిమోహనమ్ (వాదిమోహదమ్) ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౫॥

దాతృసర్వామరైశ్వర్యవిముక్త్యాదేరహో పరమ్ (వరమ్) ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౬॥

దూరాద్దురతరం యత్తు తదేవాన్తికమన్తికాత్ ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౭॥

పూర్ణసర్వగుణైకార్ణమనాద్యన్తం సురేశితుః ।
ఆనన్దస్య పదం వన్దే బ్రహ్మేన్ద్రాది అభివన్దితమ్ ॥ ౮॥

ఆనన్దతీర్థమునినా హరేరానన్దరూపిణః ।
కృతం స్తోత్రమిదం పుణ్యం పఠన్నానన్దమాప్నుయాత్ ॥ ౯॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు ఏకాదశస్తోత్రం సమ్పూర్ణమ్



అథ ద్వాదశస్తోత్రమ్
ఆనన్దముకున్ద అరవిన్దనయన ।
ఆనన్దతీర్థ పరానన్దవరద ॥ ౧॥

సున్దరీమన్దిరగోవిన్ద వన్దే ।
ఆనన్దతీర్థ పరానన్దవరద ॥ ౨॥

చన్ద్రకమన్దిరనన్దక వన్దే ।
ఆనన్దతీర్థ పరానన్దవరద ॥ ౩॥

చన్ద్రసురేన్ద్రసువన్దిత వన్దే ।
ఆనన్దతీర్థ పరానన్దవరద ॥ ౪॥

మన్దారసూనసుచర్చిత వన్దే ।
ఆనన్దతీర్థ పరానన్దవరద ॥ ౫॥

వృన్దారవృన్దసువన్దిత వన్దే (వృన్దారకవృన్దసువన్దిత వన్దే) ।
ఆనన్దతీర్థ పరానన్దవరద ॥ ౬॥

ఇన్దిరాఽనన్దక సున్దర వన్దే ।
ఆనన్దతీర్థ పరానన్దవరద ॥ ౭॥

మన్దిరస్యన్దనస్యన్దక వన్దే ।
ఆనన్దతీర్థ పరానన్దవరద ॥ ౮॥

ఆనన్దచన్ద్రికాస్యన్దక వన్దే ।
ఆనన్దతీర్థ పరానన్దవరద ॥ ౯॥

ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు ద్వాదశం స్తోత్రం సమ్పూర్ణమ్
॥ భారతీరమణముఖ్యప్రాణాన్తర్గత శ్రీకృష్ణార్పణమస్తు॥