రుద్ర అష్టకం

నమామీశ మీశాన నిర్వాణరూపం
విభుం వ్యాపకం బ్రహ్మవేద స్వరూపమ్ |
నిజం నిర్గుణం నిర్వికల్పం నిరీహం
చిదాకాశ మాకాశవాసం భజేహమ్ ||

నిరాకార మోంకార మూలం తురీయం
గిరిఙ్ఞాన గోతీత మీశం గిరీశమ్ |
కరాళం మహాకాలకాలం కృపాలం
గుణాగార సంసారసారం నతో హమ్ ||
తుషారాద్రి సంకాశ గౌరం గభీరం
మనోభూతకోటి ప్రభా శ్రీశరీరమ్ |
స్ఫురన్మౌళికల్లోలినీ చారుగాంగం
లసత్ఫాలబాలేందు భూషం మహేశమ్ ||
చలత్కుండలం భ్రూ సునేత్రం విశాలం
ప్రసన్నాననం నీలకంఠం దయాళుమ్ |
మృగాధీశ చర్మాంబరం ముండమాలం
ప్రియం శంకరం సర్వనాథం భజామి ||
ప్రచండం ప్రకృష్టం ప్రగల్భం పరేశమ్
అఖండమ్ అజం భానుకోటి ప్రకాశమ్ |
త్రయీ శూల నిర్మూలనం శూలపాణిం
భజేహం భవానీపతిం భావగమ్యమ్ ||
కళాతీత కళ్యాణ కల్పాంతకారీ
సదా సజ్జనానందదాతా పురారీ |
చిదానంద సందోహ మోహాపకారీ
ప్రసీద ప్రసీద ప్రభో మన్మధారీ ||
న యావద్ ఉమానాథ పాదారవిందం
భజంతీహ లోకే పరే వా నారాణామ్ |
న తావత్సుఖం శాంతి సంతాపనాశం
ప్రసీద ప్రభో సర్వభూతాధివాస ||
నజానామి యోగం జపం నైవ పూజాం
నతో హం సదా సర్వదా దేవ తుభ్యమ్ |
జరాజన్మ దుఃఖౌఘతాతప్యమానం
ప్రభోపాహి అపన్నమీశ ప్రసీద! ||