వారఫలం (9 - 14 జనవరి 2017)

మేషం
  పరిచయాలు ఉన్నతికి దోహదపడతాయి. అయిన వారితో ఉల్లాసంగా గడుపుతారు. ఖర్చులు విపరీతం. ప్రముఖులకు విలువైన కానుకలు అందిస్తారు. ధనానికి ఇబ్బంది ఉండదు. పనులు, బాధ్యతలు అప్పగించవద్దు. సంప్రదింపులు, ఒప్పందాలకు అనుకూలం. గురు, శుక్రవారాల్లో స్థిమితంగా ఆలోచించి నిర్ణయాలు తీసుకోవాలి. విలువైన వస్తువులు, నగదు, పత్రాలు జాగ్రత్త. సంతానం రాక సంతోషం కలిగిస్తుంది. ఉపాధి పథకాలు సంతృప్తిస్తాయి. వేడుకల్లో మితంగా వ్యవహరించండి. పుణ్యక్షేత్రాలు సందర్శిస్తారు.మీ శ్రీమతి అభిప్రాయాలకు విలువ ఇవ్వండి. వ్యాపారాలు ఊపందుకుంటాయి. లాభనష్టాలు సమీక్షించుకుంటారు. మీ పథకాలు మంచి ఫలితాలిస్తాయి. ఉద్యోగస్తులకు ఏకాగ్రత ప్రధానం. అధికారుల తీరును గమనించి మెలగండి. 

వృషభం
 
 గృహంలో సందడి నెలకొంటుంది. శనివారం నాడు పనుల ప్రారంభంలో స్వల్ప ఆటంకాలు ఎదురవుతాయి. మీపై శకునాల ప్రభావం అధికం. కొన్ని విషయాలు పట్టించుకోవద్దు. మీ శ్రీమతి సలహా పాటించండి. స్థిరాస్తి మూలక ధనం అందుకుంటారు. ఆందోళన తొలగుతుంది. ఖర్చులు భారమనిపించవు. ప్రయత్నపూర్వకంగా అవకాశాలు కలిసివస్తాయి. ప్రశంసలు, విలువైన కానుకలు అందుకుంటారు.వేడుకలకు సన్నాహాలు సాగిస్తారు. . నిరుద్యోగులకు ఇంటర్వ్యూలు నిరుత్సాహపరుస్తాయి. ప్రైవేట్ సంస్థల్లోని వారికి ఓర్పు, ఏకాగ్రత ప్రధానం.

 వ్యాపారాల్లో పోటీ, ఆటంకాలను ధీటుగా ఎదుర్కొంటారు. మీ మాటతీరు అందరినీ ఆకర్షిస్తుంది. పెట్టుబడులు, సంస్థల స్థాపనలకు అనుకూలం. ఉద్యోగస్తులకు అడ్వాన్స్‌లు, క్లయింలు మంజూరవుతాయి

 

మిథునం
అనుకున్నది సాధించే వరకు శ్రమిస్తారు. గుట్టుగా యత్నాలు సాగించండి. ఎవరి సహాయం ఆశించవద్దు. ఆదాయ వ్యయాలకు పొంతన ఉండదు. ఖర్చులు అంచనాలను మించుతాయి. ధనానికి ఇబ్బంది ఉండదు. దంపతుల మధ్య కొత్త విషయాలు చర్చకు వస్తాయి. ఆరోగ్యం నిలకడగా ఉంటుంది. ఆప్తులతో ఉల్లాసంగా గడుపుతారు. ఆది, సోమవారాల్లో ప్రముఖుల ఇంటర్వ్యూ కోసం పడిగాపులు తప్పవు. వ్యాపారాలు లాభసాటిగా సాగుతాయి. విందులు, వేడుకల్లో పాల్గొంటారు. మీ బలహీనతలు అదుపులో ఉంచుకోండి. జూదాలు, పందేల వల్ల నష్టాలు, కష్టాలు ఎదుర్కొంటారు. ఆటంకాలను ధీటుగా ఎదుర్కొంటారు. వాణిజ్య ఒప్పందాలకు అనుకూలం మీ ప్రతిపాదనలకు ఆమోదం లభిస్తుంది. నిరుద్యోగులకు ప్రకటనల వల్ల అవగాహన ప్రధానం. దళారులను విశ్వసించవద్దు. 

కర్కాటకం

 
వ్యవహార ఒప్పందాలకు అనుకూలం. ఒక సమాచారం ఆలోచింపజేస్తుంది. ఖర్చులు విపరీతం. రావలసిన ధనాన్ని లౌక్యంగా వసూలు చేసుకోవాలి. సమర్థతకు గుర్తింపు లభిస్తుంది. పదవులు, సభ్యత్వాలు స్వీకరిస్తారు. బాధ్యతలు పెరుగుతాయి. మంగళ, బుధవారాల్లో పనులు హడావుడిగా సాగుతాయి. కావలసిన వ్యక్తుల కలుసుకోగలుగుతారు. ఆరోగ్యం నిలకడగా ఉంటుంది. సంతానం భవిష్యత్తుపై శ్రద్ధ వహించండి. స్త్రీలు పోటీల్లో రాణిస్తారు. వ్యాపారాలు సంతృప్తికరంగా సాగుతాయి. కొనుగోలుదారులు, షాపు పనివారలతో జాగ్రత్త. ఉద్యోగస్తుల కార్యక్రమాలు ప్రశాంతంగా సాగుతాయి. సహోద్యోగులతో సమావేశాలు, విందుల్లో పాల్గొంటారు. నిరుద్యోగుల కృషి ఫలిస్తుంది. ఆత్మీయులతో ఉల్లాసంగా గడుపుతారు. ద్విచక్ర వాహన చోదకులకు దూకుడు తగదు.

 

 

సింహం

  సంప్రదింపులకు అనుకూలం. కొత్త యత్నాలకు శ్రీకారం చుడతారు. ఒక సమాచారం ఉత్సాహాన్నిస్తుంది. ఆత్మీయులకు విలువైన కానులు అందిస్తారు. గృహంలో ఆనందోత్సాహాలు నెలకొంటాయి. ప్రియతములతో ఉల్లాసంగా గడుపుతారు. కుటుంబీకుల కోసం బాగా వ్యయం చేస్తారు. ధనానికి ఇబ్బంది ఉండదు. ఆది, గురువారాల్లో ముఖ్యమైన పత్రాలు జాగ్రత్త. పనులు మందకొడిగా సాగుతాయి. పదవులు, బాధ్యతల నుంచి తప్పుకుంటారు. ఆరోగ్యం ఫర్వాలేదనిపిస్తుంది. వృత్తి వ్యాపారాల్లో రాణిస్తారు. ఉపాధి పథకాలు సంతృప్తినిస్తాయి. ఉద్యోగస్తులకు ధనయోగం. అధికారులకు సాదర వీడ్కోలు పలుకుతారు. రచయితలు, కళ, క్రీడాకారులకు ప్రోత్సాహకరం. పుణ్యక్షేత్రాలు సందర్శిస్తారు. విందులు, వినోదాల్లో అత్యుత్సాహం తగదు. క్రీడా పోటీల్లో విజయం సాధిస్తారు.

 

కన్య

 
వ్యవహారాలు, ఆర్థిక లావాదేవీలు ఆశాజనకంగా సాగుతాయి. ఆత్మీయులకు చక్కని సలహాలిస్తారు. స్త్రీల ప్రతిభకు గుర్తింపు లభిస్తుంది. విలువైన కానుకలు అందుకుంటారు. వేడుకల్లో అత్యుత్సాహం తగదు. అవకాశాలు కలిసివస్తాయి. పనులు సకాలంలో పూర్తి కాగలవు. బాకీలు వసూలవుతాయి. ఖర్చులు విపరీతం. ధనానికి ఇబ్బంది ఉండదు. పరిచయస్తులు సహాయం అర్ధిస్తారు. మీ ఇష్టాయిష్టాలను సున్నితంగా తెలియజేయండి. మంగళ, శనివారాల్లో పరిచయం లేని వారితో జాగ్రత్త. ఆరోగ్యం సంతృప్తికరం. సంతానం భవిష్యత్తు పట్ల శ్రద్ధ వహిస్తారు. నోటీసులు, పత్రాలు అందుతాయి. వ్యాపారాల్లో గణనీయమైన లాభాలు గడిస్తారు. లీజు, టెండర్లు, ఏజెన్సీలు లాభిస్తాయి. విద్యార్థులు పోటీల్లో విజయం సాధిస్తారు. ఆస్తి, కోర్టు వివాదాలు పరిష్కార దిశగా సాగుతాయి.

 

తుల

 
కానుకలు, శుభాకాంక్షలు అందుకుంటారు. కుటుంబ విషయాలపై శ్రద్ధ వహిస్తారు. దంపతుల మధ్య అన్యోన్యత నెలకొంటుంది. ఇతరుల విషయాల్లో జోక్యం తగదు. అభియోగాలు, విమర్శలకు ధీటుగా స్పందిస్తారు. ఆత్మీయుల సలహా పాటించండి. ఆర్థిక వ్యవహారాలు సానుకూలమవుతాయి. వ్యూహాత్మకంగా వ్యవహరిస్తారు. ఆలోచనలు కార్యరూపం దాల్చుతాయి. గురు, శుక్ర వారాల్లో పనులు, బాధ్యతలు అప్పగించవద్దు. పదవుల నుంచి తప్పుకుంటారు. దూర ప్రాంతం నుంచి సంతానం రాక సంతోషం కలిగిస్తుంది. వ్యాపారాలు ఊపందుకుంటాయి. భాగస్వామిక ఒప్పందాలకు అనుకూలం. స్త్రీలు కళాత్మక పోటీల్లో రాణిస్తారు. ఆశాదృక్పథంతో ఉద్యోగయత్నం సాగించండి. అధికారులు కొత్త బాధ్యతలు స్వీకరిస్తారు. పందాలు, జూదాలకు దూరంగా ఉండటం శ్రేయస్కరం.

 

వృశ్చికం

 
వేడుకలు, వినోదాల్లో మితంగా ఉండాలి. ఆత్మీయులకు కానుకలు అందిస్తారు. కొన్ని వివాదాల నుంచి బయటపడతారు. ఆందోళన తొలగుతుంది. ఖర్చులు విపరీతం. ఒక అవసరానికి ఉంచిన ధనం మరో దానికి వ్యయం చేస్తారు. పరిచయాలు బలపడతాయి. కొత్త యత్నాలు సాగిస్తారు. శనివారం నాడు పనులు అస్తవ్యస్తంగా సాగుతాయి. పరిచయస్తుల ఆకస్మిక రాక ఇబ్బంది కలిగిస్తుంది. ఆరోగ్యం కుదుటపడుతుంది. వ్యాపారాలు ఊపందుకుంటాయి. కొనుగోలుదార్లను ఆకట్టుకుంటారు. పెట్టుబడులకు అనుకూలం. ఉద్యోగస్తులకు ధనయోగం. వృత్తుల వారికి ఆశాజనకం. నోటీసులు ఆందోళన కలిగిస్తాయి. ఆడిటర్లు, న్యాయవాదులతో సంప్రదింపులు జరుపుతారు. దైవదర్శనాలు సంతృప్తినిస్తాయి. వాహన చోదకులకు దూకుడు తగదు. విద్యార్థులు విజయం సాధిస్తారు.

 

 

ధనస్సు

 
తొందరపాటు నిర్ణయాలు తగవు. పెద్దల సలహా పాటించండి. సంతోషకరమైన వార్తలు వింటారు. మనసు తేలికపడుతుంది. పనులు సానుకూలమవుతాయి. సన్నిహితులకు చక్కని సలహాలిస్తారు.గృహంలో సందడి నెలకొంటుంది. వ్యవహార ఒప్పందాల్లో ఏకాగ్రత వహించండి. ఆదాయ వ్యయాలకు పొంతన ఉండదు. ఖర్చులు విపరీతం. విలాసాలకు బాగా వ్యయం చేస్తారు. దంపతులకు కొత్త ఆలోచనలు స్ఫురిస్తాయి. వ్యవసాయ తోటల రంగాల వారికి ఆశాజనకం. వేడుకల్లో పాల్గొంటారు. ప్రయాణం సాఫీగా సాగుతుంది. దైవదర్శనాలు సంతృప్తినిస్తాయి. వృత్తి ఉపాధి పథకాల్లో రాణిస్తారు. ఉద్యోగస్తుల కృషి ఫలిస్తుంది. పదోన్నతులు, నగదు బహుమతులు అందుకుంటారు. ప్రైవేట్ సంస్థల్లోని వారికి మార్పులు అనుకూలిస్తాయి. వ్యాపారాల్లో ఆశించిన లాభాలు గడిస్తారు. 

 

 

మకరం

  సంతానం భవిష్యత్తు, ఆరోగ్యం పట్ల శ్రద్ధ అవసరం. ఒక సమాచారం ఆలోచింపచేస్తుంది. ఏ విషయాన్ని తేలిగ్గా తీసుకోవద్దు. మీ శ్రీమతికి అన్ని విషయాలు తెలియజేయండి. వినోదాలు, వేడుకల్లో పాల్గొంటారు. ఖర్చులు అధికమైనా ఆర్థిక వెసులుబాటు ఉంటుంది. కొత్త పరిచయాలేర్పడతాయి. వ్యూహాత్మకంగా ముందుకు సాగుతారు. ఆలోచనలు కార్యరూపం దాల్చుతాయి. పనుల ప్రారంభంలో స్వల్ప ఆటంకాలెదుర్కుంటారు. మీపై శకునాల ప్రభావం అధికం. వ్యాపారాలు ఊపందుకుంటాయి. షాపుల అలంకరణ సత్ఫలితాలనిస్తుంది. ఉద్యోగస్తులకు శ్రమ అధికం, ప్రతిఫలం స్వల్పం. విద్యార్థులకు పోటీల్లో నిరుత్సాహం తప్పదు. వృత్తుల వారికి అవకాశాలు కలిసివస్తాయి. ఆడిటర్లు, న్యాయవాదులకు పురోభివృద్ధి. దైవదర్శనం అతికష్టం మీద అనుకూలిస్తుంది.

 

కుంభం

 

మీ ఓర్పు నేర్పులకు పరీక్షా సమయం. విజ్ఞతతో వ్యవహరించండి. ఎవరినీ నిందించవద్దు. వ్యతిరేకించిన వారే మీ ఔన్నత్యాన్ని గుర్తిస్తారు. కొన్ని పనులు ఆకస్మికంగా పూర్తవుతాయి. ఖర్చులు పెరిగినా ధనానికి లోటుండదు. వ్యవహారాలు స్వయంగా చూసుకోవడం మంచిది. ఇతరుల విషయాలు తెలుసుకోవాలన్న ఆసక్తి తగదు. ఆది, సోమవారాల్లో నగదు స్వీకరణ, చెల్లింపుల్లో జాగ్రత్త. ఒత్తిడి, ధనప్రలోభాలకు లొంగవద్దు. ఉద్యోగస్తులకు ధనప్రాప్తి. అధికారులకు కొత్త బాధ్యతలు, ఒత్తిడి, పనిభారం. సహోద్యోగులతో విందులు, వినోదాల్లో పాల్గొంటారు. మీ బలహీనతలు అదుపులో ఉంచుకోండి.కళాత్మక పోటీల్లో స్త్రీలు విజయం సాధిస్తారు. వ్యాపారాలు లాభసాటిగా సాగుతాయి. కొనుగోలుదారులను ఆకట్టుకోగలుగుతారు. చిరువ్యాపారులకు ఆశాజనకo.

 

మీనం

  ముఖ్యమైన పత్రాలు అందుకుంటారు. దూర ప్రాంతం నుంచి సంతానం రాక సంతోషాన్నిస్తుంది. ఆరోగ్యం సంతృప్తికరం. ప్రముఖులతో సంప్రదింపులు జరుపుతారు.ఆత్మీయుల సాయంతో ఒక సమస్య సానుకూలమవుతుంది. స్థిమితంగా ఆలోచించి నిర్ణయాలు తీసుకోండి. తొందరపాటుతనం వల్ల నష్టాలు, కష్టాలు తప్పవు. ఎదుటివారి అభిప్రాయాలకు విలువ ఇవ్వండి. ఖర్చులు విపరీతం. మీ పథకాలు చక్కని ఫలితాలిస్తాయి. రియల్టర్లు, బిల్డర్లకు చికాకులు అధికం. పెద్దమొత్తం ధనంతో ప్రయాణం క్షేమం కాదు.చేతిలో ధనం నిలబడదు. రావలసిన ధనం ఆలస్యంగా అందుతుంది. మంగళ, బుధవారాల్లో పనులు అనుకున్న విధంగా సాగవు. వృత్తి ఉపాధి పథకాల్లో రాణిస్తారు. నిరుద్యోగులకు ఉద్యోగయోగం. వ్యాపారాల్లో ఆశించిన లాభాలు గడిస్తారు.