జ్యోతిషశాస్త్రం ప్రకారం నవగ్రహాల్లో శనికి ప్రత్యేక స్థానముంది. మే 23 ఆదివారం నాడు శని తిరోగమించడం ప్రారంభించాడు. మకర రాశిలో వక్రీగమనం ప్రారంభించాడు. ఈ రాశిలో శని అక్టోబరు 11 వరకు ఈ రాశిలో సంచరించనున్నాడు. శని దేవుడిని న్యాయాధీశునిగా పరిగణిస్తారు. అంతేకాకుండా ప్రతి వ్యక్తికి తమ ఫలాలను ఇస్తాడు. శని తిరోగమించడం వల్ల శని బలహీనపడతాడు. అయితే పూర్తి ఫలితాలను అందిచడు. పుష్య, అనురాధ, ఉత్తరాభద్ర రాశులకు అధిపతిగా శనిని భావిస్తారు. శని శుభ స్థితిలో ఉండగా ఆనందం, శాంతితో శ్రేయస్సు లభిస్తుంది. శని దుర్మార్గపు పరిస్థితిలో ఉంటే చాలా ఇబ్బందులు ఎదురవుతాయి. వీటిని పరిష్కారంగా కొన్ని పరిహారాలు తప్పకుండా పాటించాలి.
ఈ రాశులపై ఏలిననాటి శని ప్రభావం.
పంచాంగం ప్రకారం శని దేవుడు మొత్తం 141 రోజుల పాటు తిరోగమించనున్నాడు. ఈ సమయంలో ఏలిననాటి శని, ఏడాదిన్నర శని ప్రభావం ఉంటుంది. కాబట్టి జాగ్రత్తగా ఉండాలి. ముఖ్యంగా ఏలిననాటి శని ప్రభావం ధనస్సు, మకరం, కుంభ రాశుల వారిపై ఎక్కువగా ఉంటుంది. ఏడాదిన్నర శని ప్రభావం వచ్చేసి మిథున, తులా రాశి వారిపై ఉంటుంది. కాబట్టి ఈ సమయంలో సంబంధింత రాశుల వారు జాగ్రత్తగా ఉండాలి. తగిన పరిష్కారాలు కనుగొనాలి.
శనిదేవుడు శుభ ఫలితాలు ఇస్తాడు..
శనిదేవుడిని సంతోషపెట్టాలంటే ఆవ నూనె, మినములు, నలుపు రంగు దుస్తులు, ధాన్యం, ఔషధ మందులు మొదలైనవి దానం చేయాలి. మీకు దగ్గరలో ఉండే శనిదేవుడి ఆలయానికి వెళ్లి అక్కడ ఆవనూనెతో అభిషేకం చేయాలి. ఇలా చేయడం ద్వారా శని దేవుడు సానుకూల ఫలితాలు ఇస్తాడు. అంతేకాకుండా చేపట్టిన పనులు, ప్రారంభించిన వ్యవహారాల్లో విజయం సాధించేలా సహాయం చేస్తాడు.
శని దేవుడిని కొలవాలి..
శని దేవుని కోపాన్ని నియంత్రించడానికి మంగళ, శనివారాల్లో హనుమంతుడిని ఆరాధించాలి. అవసరమనుకుంటే హనుమాన్ చాలీసా, సుందరకాండను పారాయణం చేయవచ్చు. హనుమంతుని భక్తులను శని ఎలాంటి ఇబ్బందులకు కలగజేయడు. శని శాంతిని పరచడం వల్ల మీకు సానుకూల ఫలితాలు ఉంటాయి. అంతేకాకుండా జీవితంలో ఎదురయ్యే సమస్యలను సులభంగా అధిగమించి సాంత్వన పొందవచ్చు.
శని దేవుని ప్రసన్నం చేసుకోవాలంటే..
శనివారం నాడు శనిదేవునికి అంకితం చేయబడింది. కాబట్టి ఆ రోజు ఇనుము లేదా రబ్బరు సంబంధిత వస్తువులను కొనుగోలు చేయకూడదు. మీకు కావాలనుకుంటే శనివారం నాడు ఉపవాసం చేయవచ్చు. ఇలా చేయడం ద్వారా ఏలిననాటి శని ప్రభావాలను దూరం చేయవచ్చు. శనివారం నాడు నల్లకుక్కలకు లేదా కాకులకు ఆహారం తినిపించండి. ఇలా చేయడం ద్వారా శని దేవుడు సంతోషిస్తాడు.
ఈ రత్నాన్ని ధరించవచ్చు..
శనిదేవుని శుభ ఫలితాలను పొందడానికి మీరు నీలం రత్నాన్ని ధరించవచ్చు. మేషం, కర్కాటకం, సింహం, వృశ్చికం, ధనస్సు, మీన రాశి ప్రజలు నీలం రత్నాన్ని ధరించకూడదని చెబుతారు. వృషభం, మిథునం, కన్య, తుల, మకరం, కుంభ రాశి వారు నీలం రత్నాలను ధరించవచ్చు. అయితే ఈ రత్నం ధరించేముందు జ్యోతిష్కుల సలహా తీసుకోవాలి. కాబట్టి శని సానుకూల ఫలితాలను పొందాలంటే వీటిని తప్పకుండా పాటించాలి.
లేదా నీలం అందరి పడదు అనో భాయయం వల్లనో దానిని ధరించకూడదు అని అనుకుంటే ప్రత్యామ్నాయ రత్నము ఏమితిస్ట్ ని ధరించావచచ్చు. జ్యోతిష్యులను సంప్రదించి మీ జాతకానుసారంగా ఎన్ని కారట్లలో ధరిస్తే మంచిదో తెలుసుకొని ధరించడం వలన మరిన్ని మంచి ఫలితాలు పొందవచ్చు.
ఈ మంత్రాలను జపించండి..
శని చెడు ప్రభావాలను దూరం చేసుకోవాలంటే శని వేదమంత్రాలను జపించవచ్చు.
- "ఓం షాం శనీశ్వరాయ నమః"
- "ఓం ప్రాం ప్రౌం సః శనీశ్వరయా నమః"
- " నీలనంజన సమాభాసం రవి పుత్రం యమగ్రజం
- ఛాయా మార్తాండ సంభూతం తం నమామి శనైశ్చరం"... 19 టైమ్స్ డైలీ.
- శని బీజ మంత్రం, తాంత్రిక మంత్రాలను ప్రతి రోజు పటఠించడం వల్ల శని సానుకూల ఫలితాలను పొందుతాడు. కాబట్టి శని పరిస్థితి ప్రతికూల ప్రభావాలను ఏలిననాటి శని, ఏడాదిన్నర శని ప్రభావాలు తొలుగుతాయి.
సర్వేజనా సుఖినిభావంతు
శుభమస్తు.
No comments:
Post a Comment