కార్తీక మాసంలో తప్పకుండా చేయాల్సిన పూజలు

 

సాధారణంగా ప్రతి నెలలో పండుగలు వస్తాయి. కానీ కార్తీక మాసం అంటే.. అన్ని రోజులు పర్వదినాలే. చాలా పవిత్రంగా భావించే నెల ఇది. ఎక్కడ చూసినా ఆధ్యాత్మిక శోభ వెల్లివిరుస్తుంది. కార్తీకమాసం శివారాధనకు చాలా ముఖ్యమైనది. శివునికి ఎక్కువ ప్రీతిపాత్రమైన మాసమిది. ప్రతి ఏటా దీపావళి వెళ్లిన మరుసటి రోజు నుంచి ఈ పవిత్రమైన కార్తీక మాసం ప్రారంభమవుతుంది. ఈ నెలలో భక్తులంతా నిత్యం భోళాశంకరున్ని స్మరిస్తూ ఉండటం మంచిది.
కార్తీక మాసమంతా ఆధ్యాత్మికత కనిపిస్తుంది. జన్మజన్మల పాపాలను హరించి అనంతమైన పుణ్యఫలాలను ప్రసాదించే మహిమాన్వితమైన మాసం కార్తీకం. స్నాన, దాన, జపాలు, పూజలు, వనభోజనాలు, దీపాలు ఈ కార్తీక మాసంలో చేయాల్సిన నిత్య పూజలు. ఈ నియమాలు పాటించడం వల్ల ముక్కంటి అనుగ్రహం పొంది తరించవచ్చు. ఈ కార్తీక మాసంలో చేయాల్సిన ముఖ్య పూజావిధానాలేంటో చూద్దాం..

కార్తీక స్నానాలు

భక్తులంతా మహాశివుడి అనుగ్రహం పొందాలంటే తెల్లవారు జామునే తలస్నానం చేసి, శివాలయానికి వెళ్లి.. ఎంతో భక్తి శ్రద్ధలతో పూజించాలి. అప్పుడే ఆ ముక్కంటి కరుణా కటాక్షాలు పొందవచ్చు.

పూజలు

ఈ కార్తీక మాసంలో దేశం నలుమూలలా శివాలయాలలో రుద్రాభిషేకాలు, రుద్రపూజ, లక్ష బిల్వదళాలతో పూజలు, అమ్మవారికి లక్ష కుంకుమార్చనలు, అభిషేకాలు విశేషంగా నిర్వహిస్తారు. మహాశివుడికి ప్రీతిపాత్రమైన ఈ కార్తీక మాసంలో శివారాధన చేయడం వల్ల కోరినకోర్కెలు నెరవేరుస్తాడు.

దీపం

కార్తీక దీపానికి చాలా విశిష్టత ఉంది. కార్తీక మాసంలో దీపం చాలా ప్రత్యేకంగా చెప్పుకోదగినది. పరమేశ్వరుని అనుగ్రహం పొందడానికి నిత్యం ముఖ ద్వారానికి ఇరువైపులా సాయంకాలం దీపాలు వెలిగిస్తే మంచిది. శివాలయం ప్రాంగణంలో కూడా దీపాలు వెలిగిస్తే వైకుంఠ ప్రాప్తి కలుగుతుంది.

కార్తీక సోమవారాలు

కార్తీక సోమవారాలు చాలా పవిత్రమైనవి. సోమవారం, కార్తీకమాసం రెండూ శివునికి ప్రీతికరమైనవే. కాబట్టి కార్తీక సోమవారాలలో సాయంకాల సమయంలో శివాలయంలో ఉసిరికాయపై వత్తులు పెట్టి దీపం వెలిగించడం ఎంతో శ్రేయశ్కరం. నువ్వుల నూనె, ఆవు నెయ్యి, కొబ్బరి నూనె, నెయ్యి, అవిశనూనె, ఇప్పనూనె, ఆముదం ఏదైనా దీపం వెలిగించడానికి వాడవచ్చు.

కార్తీక పౌర్ణమి

కార్తీక పౌర్ణమి చాలా పవిత్రమైనది. కార్తీక మాసంలో ముప్పై రోజులలో దీపం పెట్టలేని వారు శుద్ధ ద్వాదశి, చతుర్ధశి, పౌర్ణమి రోజు తప్పక దీపం పెడితే మంచిది. అంతేకాదు కార్తీక మాసంలో దీపం దానం చేయడం వల్ల మంచి జరుగుతుంది.

ఉపవాసం

కార్తీక మాసంలో వచ్చే ప్రతి సోమవారం ఉపవాసం ఆచరించి, రాత్రి నక్షత్ర దర్శనం చేసుకుని భోజనం చేసినవాళ్లు ఆ పరమేశ్వరుని కరుణా కటాక్షాలు పొందుతారని కార్తీక పురాణం చెబుతోంది.

వన భోజనం

కార్తీక సోమవారం లేదా కార్తీక మాసంలో ఏ రోజైనా ఉసిరి చెట్టు కింద భోజనం చేయడం మంచిది. ఉసిరి చెట్టు కింద సాలగ్రామాన్ని ఉంచి గంధం, అక్షతలు, పుష్పాలతో పూజించాలి. అనంతరం పండితులను సత్కరించి అందరూ భోజనం చేయాలి. ఈ నియమాలను పాటించడం వల్ల శివానుగ్రహం కలిగి సర్వపాపములు నశిస్తాయని నమ్మకం. వనభోజన కార్యక్రమాలను నిర్వహించే వారికి పాపాల నుంచి విముక్తి కలుగుతుందని పురాణాలు చెబుతున్నాయి.

తులసి పూజ

పౌర్ణమిరోజు ఆవు నెయ్యితో తడిపిన దారపు వత్తులతో దీపాలు వెలిగించి తులసికోట చుట్టూ పదకొండు ప్రదక్షిణలు చేసి పరమాన్నం నైవేద్యంగా పెట్టాలి. తర్వాత 365 వత్తులతో హారతివ్వాలి. నక్షత్రాలు కనుమరుగు కాకముందే ఈ పూజ చేస్తే చాలా మంచిది.


సర్వే జనాః సుఖినో భవంతు,

శుభమస్తు.

వివాహ పొంతనలు , శుభ ముహూర్తాలు,జ్యోతిషం , న్యూమరాలజీ(పిల్లల పేర్లు, పెద్దల పేరులో మార్పులు, బిసినెస్ నేమ్స్), సైంటిఫిక్ వాస్తు,ప్రాణిక్ హీలింగ్, జాతక సంబంధ పరిష్కారాలకు(వివాహం, ఉద్యోగం, విదేశీ యానం,గృహం, సంబంధ భా౦దవ్యాలు,శత్రునాశనం,కోర్ట్ కేసు లు ,ఆర్దికలావాదేవీలు,etc), పూజలు,హోమాలు,వివాహ౦,దేవాలయ ప్రతిష్ట, గృహ ప్రవేశ౦ శాంతి పూజలు సర్వీసెస్ కొరకు, ఆధ్యాత్మిక వస్తువుల కొరకు సంప్రదించండి.

follow us :
plz like , share , follow and subscribe

facebook page
https://www.facebook.com/vidhathaastornumerology/?view_public_for=1712439968969888

YouTube
https://www.youtube.com/channel/UCuppmXZZ8x1HI5rrVbCoJsw

Printerest
https://in.pinterest.com/vastronumerology/sree-vidhatha-peetam/

Twitter
https://twitter.com/VidhathaAstrolo

Instagram
https://www.instagram.com/sreevidhathapeetam/

Blog
https://vidhaathaastronumerology.blogspot.com/


జ్యోతిష రత్న, జ్యోతిష రత్నాకర
HAVANIJAAA
(M.A (Astro), M.A.(Telugu) , M.A.(English), M.A( Sanskrit), MSW, LLB)
శ్రీ విధాత పీఠం
Ph. no: 9666602371