శ్రీవేంకటేశధ్యానమ్ ( వేదవ్యాసకృతం)

వేదవ్యాసధ్యానమ్
శ్రీవేంకటేశమనువాసరమిన్దిరేశం
దుగ్ధాన్నపూర్ణమధుశర్కరగోఘృతాఢ్యమ్ ।
రమ్భాఫలేన సహ షడ్ సయుక్తదివ్య 
రాజాన్నసూపమమృతం స్మరతాం కరస్థమ్ ॥ ౧॥

సంపూర్ణవృష్టిమిహ వర్షయ కాలమేఘైః
దుర్భిక్షకాలరహితం కురు వేంకటేశ ।
కారుణ్యజీవననిధిర్జగతాం త్వమద్య
త్వామేవ నౌమి సతతం వరద ప్రసీద ॥ ౨॥

తిష్ఠన్ స్వామిసరోవరస్థలవరే శ్రీవేంకటేశ స్మయన్
లక్ష్మ్యాఽలఙ్కృతబాహుమధ్యవిలసత్సర్వాఙ్గభూషోజ్జ్వలః ।
వైకుణ్ఠాద్రిరసౌ సమస్తజగతామిత్యేవ సన్దర్శయన్
విశ్వాలిఙ్గనభాగ్యవాన్ విజయతే బ్రహ్మేన్ద్రరుద్రేశ్వరః ॥ ౩॥

వేదవ్యాసకృతం ధ్యానం నిద్రాన్తే స్మరతామిదమ్ ।
సర్వారోగ్యం చ భోగశ్చ నరాణాం తత్పదం భవేత్ ॥ 
 ॥ ఇతి వేదవ్యాసధ్యానమ్॥