వరలక్ష్మి దేవి రావమ్మ, మా పూజలందు కోవమ్మ

 

వరలక్ష్మి దేవి రావమ్మ, మా పూజలందు కోవమ్మ

 

 

 

ఈ పాట "బంగారు బొమ్మ రావేమే, పందిట్లో పెళ్లి జరిగేనే " అనే పాట రీతిలో పాడాలి.
చిత్రం : రక్త సంబంధం


వరలక్ష్మి దేవి రావమ్మ, మా పూజలందు కోవమ్మ
మా ఇంటి వేల్పు నీవమ్మ , నా కల్పవల్లి రావమ్మ
మనసార దీవెనీవమ్మ,  మమ్మేలు తల్లి రావమ్మా ॥  2 ॥
వరలక్ష్మి దేవి రావమ్మ, మా పూజలందు కోవమ్మ
చరణం : 1
అతివల మనసునెరిగి , ఐదవ తనము నోసిగి
ముత్తైదు భాగ్యమిచ్చే , మురిపాల నోము నోచి
వరలక్ష్మి దేవి వ్రతము, వరముల నొసగే తరుణం  ॥ 2॥     ॥వరలక్ష్మి దేవి ॥
చరణం : 2
 భక్తి వేల్లువలలోన, భావన లహరివి నీవు
మంగళ రూపిణి రావే, మా బంగారు తల్లి నీవే
నీ పాద సేవ భాగ్యముగా, తరియించు మేము ఎల్లపుడూ   ॥ 2 ॥     ॥వరలక్ష్మి దేవి ॥
చరణం: 3
వరలక్ష్మి దేవి సిరి జల్లు, మా ఇంట నిలిచి వర్ధిల్లు,
మమ్మేలు తల్లి హరివిల్లు, నీ వ్రతముల విరిజల్లు
నీ పాద సేవే పదివేలు , మా ఇంట అలరు మురిపాలు  ॥  2॥       ॥ వరలక్ష్మి దేవి ॥
చరణం: 4
అందాల దేవి నీవే, శింగారి సిరుల పంట,
వరలక్ష్మి నోము నోచి, భాగ్యాలు పొందు నంట
వరముల నొసగే తల్లి, పూచినా పున్నాగ  మల్లి  ॥ 2॥           ॥ వరలక్ష్మి దేవి ॥